نئی دہلی،23؍ اگست

ہندوستان کی بحری صلاحیتوں میں ایک نئے دور کا آغاز کرتے ہوئے، ملک کا پہلا مقامی طیارہ بردار بحری جہاز  وکرانت جمعہ 2 ستمبر کو آئی این ایس وکرانت کے طور پر بحریہ میں شامل ہوگا۔ ہندوستان کے ہتھیاروں میں ملٹری ہارڈویئر کا سب سے مہنگاجہاز، وکرانت کو باضابطہ طور پر ہندوستانی بحریہ میں شامل کیا جائے گا۔

 اس تقریب میں بھارتی وزیر اعظم نریندر مودی، وزیر دفاع راج ناتھ سنگھ اور مسلح افواج کے اعلیٰ حکام کی شرکت متوقع ہے۔وکرانت کا آغاز ہندوستان کے لیے ایک اہم سنگ میل ہے، کیونکہ ملک اب دو آپریشنل طیارہ بردار بحری جہاز آئی این ایس ۔ وکرمادتیہ (روسی نژاد( اور مقامی طور پر ڈیزائن کیا گیا اور وکرانت کے ساتھ اپنی 7500 کلومیٹر طویل ساحلی پٹی کا دفاع کرنے کے قابل ہو جائے گا۔ تاہم، وکرانت کو مکمل طور پر کام کرنے کے لیے اس کے شروع ہونے کے بعد ایک سال سے زیادہ کا وقت درکار ہوگا۔

 اب تک، سمندری آزمائشوں کے متعدد مراحل کے دوران جہاز کے اہم نظاموں اور ذیلی نظاموں کا تجربہ کیا جا چکا ہے۔ تاہم، جہاز کو مکمل طور پر جنگی طور پر تیار رکھنے کے لیے، کئی دوسرے اجزاء جیسے ریڈار، ہتھیار وغیرہ کو مربوط، جانچ اور ثابت کرنے کی ضرورت ہے۔اسی طرح، جب کہ بحریہ کے ذریعہ چلائے جانے والے مختلف ہیلی کاپٹر وکرانت کے ڈیک سے اترے اور ٹیک آف کر چکے ہیں، ہندوستانی بحریہ کے کیریئر پر مبنی لڑاکا طیارے، روسی نژادمگ 29K ابھی ڈیک پر اترنا باقی ہیں۔ آنے والے مہینوں میں ہوائی جہاز کے ٹیک آف اور لینڈنگ میں سہولت فراہم کرنے والے ریسٹریننگ بلاکس اور  اریسٹ  کرنے والے تاروں کی تنصیب اور جانچ بھی کی جانی ہے۔