ہندوستانی بحریہ کے جہاز نے خلیجی ممالک کی بحریہ کے ساتھ دوستانہ سمندری مشقیں کیں

خلیجی ممالک کی دوست بحری افواج کے ساتھ ' دوستی کے پل ' کو مضبوط بنانے کے لیے تعینات ہندوستانی بحریہ کے جہاز آئی این ایس سدرشنی کا دورہ مکمل ہو گیا ہے۔ اس دوران انہوں نے عمان، دبئی اور ایران کی بحری افواج کے ساتھ پیشہ ورانہ بات چیت کی۔ اس جہاز نے اپنی مقامی جہاز سازی کی صلاحیت کو ظاہر کرتے ہوئے خلیجی ممالک کے ساتھ ہندوستان کے تاریخی تعلقات کی یاد دلائی۔ رائل عمان بحریہ اور ایرانی بحریہ کے تربیت یافتہ افراد کو نیوی گیشن ٹریننگ دینے کے ساتھ سمندری مشقیں بھی کی گئیں۔

خلیجی ممالک کے دورے کے دوران، ہندوستانی بحریہ کے سیل ٹریننگ جہاز INSسدرشنی نے پہلے مرحلے میں تین روزہ آپریشنل ٹرن راؤنڈ (OTR) کے لیے 5-8 دسمبر تک بندرگاہ سلطان قابوس، مسقط، عمان کا دورہ کیا۔ دوسرے مرحلے میں، ہندوستانی بحریہ کا جہاز 15 دسمبر کو پورٹ رشید، دبئی (یو اے ای) پہنچا۔ دبئی میں اپنے قیام کے دوران یہ جہاز متحدہ عرب امارات کی بحریہ کے اہلکاروں کے ساتھ پیشہ ورانہ اور تربیتی پہلوؤں کے تبادلے میں سرگرم عمل رہا۔ تیسرے مرحلے میں 23 دسمبر کو جہاز پورٹ شاہد بہونار، بندر عباس، ایران پہنچا۔ ایرانی بحریہ کے جہازجیرہ آئی آرآئی ایس پورٹ شاہد بہونار، بندر عباس میں جیٹی پر آئی آر آئی نیول بینڈ نے ہندوستانی جہاز کا پرتپاک استقبال کیا۔ قیام کے دوران جہاز نے تینوں ممالک کے بحری اہلکاروں کو بحری تربیت فراہم کی۔

ہندوستانی برادری اور اعلیٰ سطحی وفود نے جہاز کا دورہ اس وقت کیا جب یہ بندرگاہ پر لنگر انداز تھا۔ آئی این ایس سدرشنی کے افسران نے بحری تنصیبات اور جہازوں کا دورہ کیا۔ اس دوران انہوں نے بہترین کام کرنے کے اپنے تجربات بتائے۔ کمانڈنگ آفیسر نے ہر بندرگاہ کے سینئر افسران سے ملاقات کی اور دو طرفہ تربیتی تعاون، میری ٹائم ٹریننگ اور باہمی دلچسپی کے دیگر شعبوں پر تبادلہ خیال کیا۔ اس جہاز نے رائل عمان نیوی اور ایرانی بحریہ کے ساتھ دوطرفہ میری ٹائم پارٹنرشپ مشقوں میں بھی حصہ لیا تاکہ بحری افواج کے درمیان باہمی تعاون کو بڑھایا جا سکے۔