ہندوستان کے وزیر خارجہ ایس کے جے شنکر نے سچائی بیان کرتے ہوئے چین اور پاکستان پر تنقید کی ہے۔ انہوں نے کہا کہ چین نے معاہدے توڑ دیے ہیں اور پاکستان دہشت گردی کا گڑھ بن چکا ہے۔

بھارتی وزیر خارجہ ایس کے جے شنکر نے آسٹریا کے وزیر خارجہ الیگزینڈر شیلن برگ کے ساتھ دو طرفہ امور پر بات چیت کی۔ جے شنکر نے آسٹریا میں رہنے والے ہندوستانی نژاد شہریوں سے بھی بات چیت کی۔

اس دوران انہوں نے چین اور پاکستان کو نشانہ بنایا۔ انہوں نے کہا کہ چین نے یکطرفہ طور پر لائن آف کنٹرول کی حیثیت کو تبدیل کرنے کی کوشش کی، اسی وجہ سے بھارت اور چین کے درمیان تناؤ ہے۔

انہوں نے کہا کہ یہ سیٹلائٹ کا دور ہے ، جس میں سرحدی علاقوں کی تصویریں صاف نظر آتی ہیں۔ ان باتوں سے انکار نہیں کیا جا سکتا۔ بھارت کا چین کے ساتھ معاہدہ ہے کہ وہ سرحدی علاقوں میں بڑے پیمانے پر فوج تعینات نہیں کرے گا ، لیکن چین نے اس معاہدے پر عمل نہیں کیا۔ جس کی وجہ سے دونوں ممالک کے درمیان اس وقت تناؤ کی صورتحال ہے۔

اسی طرح دونوں ممالک کے درمیان لائن آف کنٹرول کو یکطرفہ طورپرتبدیل نہ کرنے کا معاہدہ ہے ، اس کے بعد بھی چین نے ایسا کرنے کی کوشش کی۔ جے شنکر نے کہا کہ ہندوستان کو فوجی دباؤ کا سامنا ہے، اس کا کوئی جواز نہیں ہے۔

جے شنکر نے کہا کہ پاکستان دہشت گردوں کے بھرتی کیمپ اور اڈے چلا رہا ہے۔ وہ یہ سب کچھ دن کی روشنی میں کر رہا ہے۔ ایسی صورت حال میں یہ کیسے مان لیا جا سکتا ہے کہ ایک خودمختار ملک ، جو اپنی سرزمین پر قابض ہے، اس سے واقف نہیں؟