جغرافیائی اعدادو شمار کے حصول اور پیداوار کو کنٹرول کرنے والی پالیسیوں کو نرم کرنا ایک بڑا قدم : وزیر اعظم

نئی دہلی ،15فروری (انڈیا نیرٹیو)

پیر کے روز ، سائنس اور ٹکنالوجی کے محکمہ کی طرف سے جغرافیائی ڈیٹا کے حصول اور پیداوار کو کنٹرول کرنے والی نئی پالیسیاں جاری کی گئیں۔ یہ نئی پالیسیاں اور رہنما خطوط ملک کے کسانوں ، اسٹارٹ اپس ، نجی شعبے ، پبلک سیکٹر اور تحقیقی اداروں ، جدت طرازی کو چلانے اور حل تلاش کرنے میں مدد کریں گے۔ اب کوئی بھی اس ڈیٹا کو آسانی سے استعمال کرسکتا ہے۔

ٹویٹس کی ایک سیریز میں وزیر اعظم نے کہا کہ ہماری حکومت نے ایک فیصلہ لیا ہے جس سے ڈیجیٹل انڈیا کو ایک بہت بڑی طاقت ملے گی۔ جغرافیائی اعداد و شمار کے حصول اور پیداوار کو کنٹرول کرنے والی پالیسیوں کو لبرلائز کرنا آتم نربھر بھارت کے لیے ہمارے وژن میں ایک بڑا قدم ہے۔

ان اصلاحات سے ہمارے ملک کے اسٹارٹ اپس ، نجی شعبے ، پبلک سیکٹر اور تحقیقی اداروں کو جدت طرازی کرنے اور توسیع پزیر حل پیدا کرنے کے زبردست مواقع پیدا ہوں گے۔ اس سے روزگار بھی ملے گا اور معاشی نمو بھی تیز ہوگی۔

جیو-اسپیٹیل اور ریموٹ سینسنگ ڈیٹا کی صلاحیت سے فائدہ اٹھا کر ہندستان کے کسانوں کو بھی فائدہ پہنچے گا۔ ڈیٹا کو عوامی بنانے سے نئی ٹکنالوجیوں اور پلیٹ فارموں کا احیا ممکن ہو سکے گا

اور اس سے زراعت اور اس سے وابستہ شعبوں میں بھی بہترین کارکردگی آئے گی۔ان اصلاحات سے ہندستان میں کاروبارمیں آسانی پیدا کرنے کو بہتر بنانے کے ہمارے عزم کا اظہار ہوتا ہے۔