بھارتی فوج کے وائس یفٹیننٹ جنرل منوج پانڈے کو پیر کو ہندوستانی فوج کا نیا سربراہ مقرر کیا گیا ہے کیونکہ موجودہ آرمی چیف جنرل ایم ایم نروانے کو ممکنہ طور پر چیف آف ڈیفنس اسٹاف کے عہدے کے لیے سب سے آگے دیکھا جا رہا ہے۔ نروانے اس ماہ کے آخر تک ریٹائر ہونے والے ہیں۔
لیفٹیننٹ جنرل پانڈے بھارتی فوج کااقتدار سنبھالیں گے کیونکہ وہ جنرل نروانے کے بعد فورس میں سب سے سینئر ہیں۔ وہ پچھلے تین مہینوں میں چند اعلیٰ افسران کے ریٹائر ہونے کے بعد سب سے سینئر بن گئے۔ موجودہ لیفٹیننٹ جنرل راج شکلا جو آرمی کی ٹریننگ کمانڈ کی کمانڈ کر رہے تھے 31 مارچ کو ریٹائر ہو گئے۔
چند دیگر سینئر ترین رہنما جنوری کے آخر تک ریٹائر ہو چکے تھے۔ لیفٹیننٹ جنرل سی پی موہنتی اور لیفٹیننٹ جنرلوائ کےجوشی 31 جنوری کو ریٹائر ہوئے۔لیفٹیننٹ جنرل پانڈے کو دسمبر 1982 میں بمبئی سیپرز میں کمیشن دیا گیا تھا۔ اپنے ممتاز کیرئیر میں، انہوں نے تمام قسم کے خطوں میں روایتی اور انسداد شورش کی کارروائیوں میں کئی باوقار کمانڈ اور سٹاف کی ذمہ داریاں انجام دیں۔
انہوں نے جموں و کشمیر میں آپریشن پراکرم کے دوران لائن آف کنٹرول کے ساتھ ایک انجینئر رجمنٹ، مغربی سیکٹر میں ایک انجینئر بریگیڈ، ایل او سی کے ساتھ ایک انفنٹری بریگیڈ اور مغربی لداخ کے اونچائی والے علاقوں میں ایک پہاڑی ڈویژن اور ایک کور کی کمانڈ کی۔ شمال مشرق وہ ایتھوپیا اور اریٹیریا میں اقوام متحدہ کے مشن میں چیف انجینئر کے طور پر خدمات انجام دے چکے ہیں۔ وہ جون 2020 سے مئی 2021 تک انڈمان اور نکوبار کمانڈکے کمانڈر انچیف رہے۔ان کی شاندار خدمات کے لیے انہیں پرم وششٹ سیوا میڈل، اتی وششٹ سیوا میڈل، اور وششٹ سیوا میڈل، چیف آف آرمی اسٹاف کمنڈیشن اور GOC-in-Cکمنڈیشن سے نوازا گیا ہے۔
