دوسری ریاستوں سے مہاراشٹر آنے والوں کے لیے آر ٹی پی سی آر کی رپورٹ لازمی

ممبئی ، 13 مئی (انڈیا نیرٹیو)

مہاراشٹرا میں کورونا انفیکشن کے بڑھتے ہوئے معاملے کے پیش نظر لاک ڈاون جیسی پابندیوں کو یکم جون تک بڑھا دیا گیا ہے۔ دوسری ریاستوں سے مہاراشٹر آنے والوں کے لئے آر ٹی پی سی آر کی منفی جانچ کی رپورٹ لازمی کردی گئی ہے۔ طبی خدمات اور دودھ کے کاروبار پر پابندی سے استثنیٰ حاصل ہے۔ 

چیف سکریٹری سیتارام کونٹے کے جاری کردہ ایک حکم میں کہا گیا ہے کہ ریاست میں عائد پابندیاں اب یکم جون کی صبح سات بجے تک نافذ العمل رہیں گی۔ ابھی جو شخص کسی بھی ذریعہ نقل و حمل کے ذریعہ ریاست میں داخل ہوتا ہے ، اسے لازمی طور پر آر ٹی پی سی آر کی منفی رپورٹ دکھانی چاہئے ، جو ریاست میں آمد سے 24 گھنٹے قبل جاری کی گئی ہو۔ دوسری ریاست سے مہاراشٹر آنے والی مال بردار گاڑیوں میں صرف دو افراد کو سفر کرنے کی اجازت ہوگی۔

 راشن شاپ ، دودھ اور دودھ کی مصنوعات کی دکان ، سبزی ، پھل ، مٹن مرغی ، جانوروں کا کھانا ، بیکری ، سویٹ شاپ ، فارم کا سامان سے متعلق دکان ، پالتو جانوروں کے کھانے کی دکان ، ریاست میں لوگوں کے لیے سامان کی دکانیں کھولنے کی دن میں صبح سات سے 11تک اجازت ہے ۔طبی اور دیگر ضروری خدمات سے وابستہ افراد کو پہلے کی طرح ہی چھوٹ ملے گی۔ اینٹی کورونا ویکسی نیشن مراکز بھی پہلے کی طرح جاری رہیں گے۔ 

قابل ذکر ہے کہ وزیر اعلی ادھو ٹھاکرے نے کورونا کی دوسری لہر کے عمل میں آنے کے بعد ریاست میں نئی پابندیوں کا اعلان کرتے ہوئے کہا تھا کہ ہم ان پابندیوں کو لاک ڈاون نہیں کہیں گے۔