وزیراعظم نریندر مودی نے قوم سے خطاب میں کیا اعلان، کسانوں کو گرونانک دیو کے پرکاش پرو کے موقع پر دیا بہترین تحفہ

نئی دہلی، 19 نومبر (انڈیا نیرٹیو)

وزیر اعظم نریندر مودی نے جمعہ کو قوم سے اپنے خطاب میں کہا کہ مرکزی حکومت نے تینوں متنازعہ زرعی قوانین کو واپس لینے کا فیصلہ کیا ہے۔ اس سے پہلے وزیر اعظم نے قوم کو دیو دیپاولی اور گرونانک دیو کے پرکاش پرو کی مبارکباد دی۔ انہوں نے کہا کہ ہماری حکومت کی کوشش ہمیشہ کسانوں کی زندگی کو آسان بنانا ہے۔

وزیر اعظم مودی نے کہا کہ اپنی پانچ دہائیوں کی زندگی میں ہم نے کسانوں کے چیلنجوں کو بہت قریب سے دیکھا ہے، جب ملک نے ہمیں 2014 میں پردھان سیوک کے طور پر خدمات انجام دینے کا موقع دیا تو ہم نے زراعت کی ترقی، کسانوں کی فلاح و بہبود کو اولین ترجیح دی۔ انہوں نے کہا کہ ملک میں چھوٹے کسانوں کے چیلنجوں پر قابو پانے کے لیے ہمارے پاس بیج، انشورنس، مارکیٹ اور بچت، ان سب پر ہمہ جہت کام ہے۔ اچھے معیار کے بیجوں کے ساتھ، حکومت نے کسانوں کو نیم کوٹیڈ یوریا، سوائل ہیلتھ کارڈ، مائیکرو ایریگیشن جیسی سہولیات سے بھی جوڑا ہے۔

انہوں نے کہا کہ آج گرو نانک دیو جی کاپاک پرکاش پرو ہے۔ میں دنیا بھر کے تمام لوگوں اور تمام ہم وطنوں کو دل کی گہرائیوں سے مبارکباد پیش کرتا ہوں۔ یہ بھی بہت خوش آئند ہے کہ ڈیڑھ سال کے وقفے کے بعد کرتارپورکوریڈور دوبارہ کھولی گئی ہے۔ انہوں نے کہا کہ گرو نانک جی نے کہا تھا’ویچ دنیا سیو کمائے، تان درگاہ بیسن پائی‘۔ اس کا مطلب ہے کہ قوم کی خدمت کا راستہ اپنا کر ہی زندگی اچھی گزر سکتی ہے۔ ہماری حکومت عوام کی زندگی کو آسان بنانے کے لیے خدمت کے جذبے سے کام کر رہی ہے۔