ملک میں کورونا کے بڑھتے معاملات پر قابو پانے کے ضمن میں تجاویز کے ساتھ منموہن نے وزیرا عظم مودی کو خط لکھا

نئی دہلی ، 19اپریل (انڈیا نیرٹیو)

سابق وزیر اعظم منموہن سنگھ نے اتوار کے روز وزیر اعظم نریندر مودی کو ایک خط لکھا ہے ، جس میں انہوں نے کورونا وائرس کے بڑھتے ہوئے انفیکشن کی وجہ سے ویکسی نیشن کے عمل کو تیز کرنے کی اپیل کی ہے۔ کانگریس کے سینئر رہنما اور سابق وزیر اعظم منموہن سنگھ نے اپنے خط میں کہا ہے کہ کورونا کی وبا کے خلاف جنگ کو تیز کرنے کے لیے ویکسی نیشن کے عمل کو تیز کیا جانا چاہیے۔

انہوں نے کہا کہ اب تک کتنے لوگوں کا ویکسی نیشن کیا گیا اس پر توجہ دینے کے بجائے اس بات پر توجہ دی جانی چاہیے کہ آبادی کا کتنے فیصد افراد کو ویکسین لگائی گئی ہے۔ سابق وزیر اعظم نے کہا کہ اس وبا کی وجہ سے بہت سارے لوگوں کا ذریعہ معاش معاش ختم ہوگیا ہے۔ لوگ بغیر روزگار کے معاشی اور ذہنی طور پر پریشان ہیں۔ ایسی صورت حال میں لوگوں کو مدد کی ضرورت ہے ۔

سابق وزیراعظم نے لکاھ ہے کہ سب سے اہم بات یہ ہے کہ لوگوں کو ویکسین ضرور لگانی چاہیے۔ لہذا ، وزیر اعظم مودی سے اپیل ہے کہ وہ ملک میں ویکسی نیشن کے جاری عمل کو تیز کرنے کے لیے ہدایات دیں۔ انہوں نے مزید کہا ، "مجھے امید ہے کہ مودی جی میرے مشوروں پر غور کریں گے۔" اسی اثنا میں ، منموہن سنگھ نے کہا کہ حکومت کو چاہیے کہ وہ ویکسین بنانے والوں کی مدد کرے،تاکہ ویکسین کے لیے اضافی سامان کی کمی نہ ہو۔ انہوں نے یہ بھی کہا کہ ہمیں ابھی سے فیصلہ کرنا چاہیے کہ اگلے چھ ماہ کے لیے کتنی خوراک چاہیے ، تاکہ ضرورت کے وقت ویکسین دستیاب ہو۔