سلہوتونو کروز  نے 7 مارچ کو ناگالینڈ کی پہلی خاتون وزیر بن کر ایک تاریخ رقم کی۔ کروز، جنہوں نے وزیر اعلیٰ نیفیو ریو کی قیادت میں نو تشکیل شدہ حکومت میں حلف برداری کی تقریب کے دوران ناگالینڈ کے گورنر لا گنیسن کے سامنے وزیر کے طور پر حلف لیا، 24 سال تک این جی اوز میں خدمات انجام دیں۔وہ 27 فروری 2023 کے انتخابات میں نیشنلسٹ ڈیموکریٹک پروگریسو پارٹی  کے ٹکٹ پر 8ویں مغربی انگامی اسمبلی حلقہ سے منتخب ہوئی تھیں۔

کروز نے کابینہ وزیر کے طور پر اپنی شمولیت پر خوشی کا اظہار کیا۔انہوں نے انگامی ویمن آرگنائزیشن  میں چار میعادوں (یعنی 12 سال) بطور صدر، مشیر، نائب صدر اور جوائنٹ سیکرٹری خدمات انجام دیں۔اس نے انگامی پبلک آرگنائزیشن (اے پی او( میں بھی خدمات انجام دیں۔ان کے شوہر نے  این ڈی پی پی  امیدوار کے طور پر 2018 کے انتخابات میں حصہ لیا لیکن وہ ہار گئے۔ انہوں نے کہا کہ وہ اپنے شوہر کے خواب کو پورا کرنا چاہتی ہیں۔

وہ 15 دسمبر 1966 کو پیدا ہوئیں۔انہوں نے  ‘مساوات اور اچھی حکمرانی کے لیے تبدیلی’ کے نعرے کے ساتھ الیکشن لڑا، جس میں وہ یکساں بنیادی ڈھانچے کی ترقی اور شہری اور دیہی علاقوں کی نمائندگی کے لیے کام کرنے کا تصور کرتی ہیں، تاکہ اچھی حکمرانی، امن اور سلامتی کو بڑھا کر لوگوں کے معیار زندگی کو بہتر بنایا جا سکے۔ نوجوانوں اور خواتین کو بااختیار بنانا، ہنرمندی کی ترقی اور روزگار فراہم کرنا اور ترقیاتی سرگرمیوں کی منصفانہ فراہمی کے لیے ایک ماڈل حلقہ بنانا  ان کی ترجیحات میں شامل ہیں۔