<h4 style="text-align: center;">میزائل مین ، سابق صدر جمہوریۂ ہند ڈاکٹر اے پی جے عبد الکلام یاد کیے گئے</h4>
<p style="text-align: right;">میزائل مین ڈاکٹراے پی جے عبدالکلام کادیامیزائل نظام آج بھی ترقی پر</p>
<p style="text-align: right;">ملک کو میزائل سسٹم دے کر ' میزائل مین ' کے نام سے پہچانے گئے ہندوستان کے سابق صدر ڈاکٹر اے پی جے عبد الکلام کو آج ان کی یوم پیدائش پریادکیاجارہاہے، کیوں کہ ان کی وجہ سے ہندوستان آج بھی ایرو اسپیس میں اپنا برتری حاصل کررہا ہے۔</p>
<p style="text-align: right;">ڈاکٹر کلام کے ذریعہ دیے گئے منتر پر برہموس کروز میزائل کے متعدد ورژن لانچ کرنے کے بعد ، اب ہندوستان برہموس-این جی کے نام سے ہائپرسونک ورژن میزائل تیارکرنے جا رہا ہے۔ اب 'میزائل مین ' کے دیے نظام کی مدد سے ہندستانی فضا میں ایک اور ہدف مقرر کرکے نئی تاریخ رقم کرنے کی تیاری کر رہا ہے۔ ہندوستان اگلے چار سے پانچ سالوں میں دنیا کا سب سے تیز رفتار ہائپرسونک کروز میزائل نظام تیار کرلے گا۔</p>
<p style="text-align: right;">اٹل بہاری واجپائی حکومت میں ہندوستان میں میزائل تیار کرنے کے لیے ڈاکٹر کلام کو انٹیگریٹڈ گائڈڈ میزائل ڈویلپمنٹ پروگرام (IGMDP) کا چیف ایگزیکٹو مقرر کیا گیا تھا۔ اس کے بعد انہوں نے میزائل نظام کی پیش کش کرتے ہوئے ہندوستان کے لیے ایرواسپیس کی دنیا کے لیے راستہ کھول دیا۔ انہوں نے اس مشن کے تحت اگنی سمیت متعدد میزائل تیار کرنے میں اہم کردار ادا کیا۔ سطح سے سطح پرمارکرنے والا انٹرمیڈیٹ کلاس بیلسٹک میزائل پرتھوی تیار کیا۔ اس کے بعد روس اور ہندوستان مشترکہ طور پر برہموس کروز میزائل تیار ہوا اس منصوبے میں ، روس میزائل ٹیکنالوجی مہیا کررہا ہے اور ہندوستان نے پرواز کے دوران رہنمائی کرنے کی صلاحیت تیار کرلی ہے۔ ہندستان میں بنائے گئے پہلے میزائلوں کے مقابلے سب سے زیادہ جدید برہموس نے ہندوستان کومیزائل ٹکنالوجی میں ایک سرکردہ ملک بنادیاہے ۔ اس کے بعد ہندوستانی فوج ، بحریہ اور فضائیہ اسے استعمال کررہی ہے۔</p>
<p style="text-align: right;">آج ملک کے 11 ویں صدر رہے عظیم سائنسدان ڈاکٹر اے پی جے عبدالکلام کا یوم پیدائش ہے۔ ڈاکٹر کلام کو سائنس کے میدان میں نمایاں شراکت کے لیے ہندوستان کے اعلیٰ شہری اعزاز 'بھارت رتن سے نوازا گیا تھا۔ وہ میزائل مین کے نام سے بھی جانے جاتے تھے۔ آج پوری قوم ان کے یوم پیدائش پر انہیں یاد کررہی ہے۔ اس موقع پر ایم پی سی ایم شیو راج سنگھ چوہان سمیت بی جے پی رہنماؤں نے انہیں سلام کیا۔</p>
<p style="text-align: right;">سی ایم شیوراج نے ٹویٹ کرکے سابق صدر کو ان کے یوم پیدائش پر خراج تحسین پیش کیا ہے۔ انہوں نے اپنے ٹویٹ میں ڈاکٹر کلام کو باشعور لکھا ہے، ’’اس سے قبل کہ خواب سچ ہوں، آپ کو خواب دیکھنا ہوگا – عبد الکلام۔‘‘ انہوں نے مزید لکھا ہے کہ ہندوستان کی تعمیرنو کے خواب کو اپنے ساتھ ہر ملک کے باشندوں کی آنکھوں سے بانٹ دینے والے عظیم خواب دیکھنے والے ڈاکٹر اے پی جے عبد الکلام کو سلام۔ دنیا کی پہلی صف میں بھارت سب سے آگے کھڑا ہو آپ کا یہ خواب ضرور شرمندہ تعبیر ہوگا۔</p>
<p style="text-align: right;">بی جے پی کے ریاستی صدر وی ڈی شرما نے میزائل مین کو خراج تحسین پیش کیا ہے۔ انہوں نے اپنے ٹویٹ میں کہا ،’’کروڑوں نوجوانوں کے محرک ، میزائل مین کے نام سے مشہور سائنس داں، ہندوستان کے سابق صدر جمہوریہ، بھارت رتن ڈاکٹر اے پی جے عبد الکلام کے یوم پیدائش پر دلی سلام۔</p>
<p style="text-align: right;">بی جے پی کے قومی جنرل سکریٹری کیلاش وجئے ورگیہ نے اپنے پیغام میں کہا: 'عظیم ماہر تعلیم ، ملک کے سابق صدر ، ایک فرض شناس سائنسدان ، ہر ہندوستانی کے لئے سادگی اور جدوجہد والی زندگی سے ایک آئیڈیل پیش کرنے والے اور زندگی بھرمادر وطن ہندوستان کی خدمت میں اپنی زندگی گزارنے والے ڈاکٹر اے پی جے عبدالکلام جی کے یوم پیدائش کے موقع پر انہیں سلام۔</p>
<p style="text-align: right;">وزیر داخلہ نروتم مشرا نے ڈاکٹر کلام کو سلام کرتے ہوئے کہا ’’سابق صدر ، بھارت رتن ڈاکٹر اے پی جے عبد الکلام جی کو ان کی یوم پیدائش پر دلی مبارکباد۔</p>
<p style="text-align: right;"></p>.