پولیس موہالی حملے کے دہشت گردانہ تعلق کی تحقیقات مصروف

چنڈی گڑھ، 10 مئی (انڈیا نیرٹیو)

پنجاب کے موہالی میں انٹیلی جنس ہیڈ کوارٹر پر حملے میں استعمال ہونے والا دستی بم تقریباً چھ سال پہلے پٹھانکوٹ حملے سے ملتا ہے۔پنجاب پولیس کے ڈائریکٹر جنرل وی کے بھورا نے کہا کہ پولیس کئی پہلوؤں کی بنیاد پر تفتیش کر رہی ہے۔ اس سلسلے میں چندی گڑھ اور ہریانہ پولیس کے ساتھ معلومات شیئر کی گئی ہیں۔چند دن پہلے چندی گڑھ کی بریل جیل کے قریب سے بھی دھماکہ خیز مواد ملا ہے۔ دونوں جگہوں کے درمیان زیادہ فاصلہ نہیں ہے۔

انہوں نے کہا کہ اس بارے میں ابھی تک کوئی ٹھوس معلومات نہیں ہیں لیکن ایسے اشارے ملے ہیں کہ سال 2016 کے دوران پٹھانکوٹ میں دہشت گردانہ حملے میں استعمال ہونے والا گرینیڈ اور موہالی حملہ میں استعمال ہونے والا گرینیڈمیچ کررہاہے۔ انہوں نے کہا کہ دہشت گرد انہ حملے کے واقعے سے انکار نہیں کیا جا سکتا۔ پولیس کی ٹیمیں حملے کے دہشت گردوں کے کنکشن کا پتہ لگانے کے لیے کام کر رہی ہیں۔

ڈی جی پی نے کہا کہ موہالی ضلع کے سوہانہ پولیس اسٹیشن میں نامعلوم کے خلاف مقدمہ درج کیا گیا ہے۔ رات کو ہی پنجاب میں الرٹ کا اعلان کر دیا گیا۔ تمام سرحدوں کو سیل کرکے تلاشی لی جارہی ہے۔ بہت جلد ان حملوں کے سراغ مل جائیں گے۔