نئی دہلی، 24؍اپریل

ہندوستان میں انسانی حقوق کے بارے میں برطانیہ کی لیبر رکن پارلیمنٹ ناز شاہ کے  بیان کو مسترد کرتے ہوئے ہندوستانی اسکالر مولانا شہاب الدین رضوی بریلوی نے کہا کہ یہاں کے مسلمان امن  و سکون کے ساتھ رہتے ہیں اور ہندوستان کے اندرونی معاملے میں کسی بیرونی ملک کی مداخلت قابل مذمت ہے۔ برطانیہ کے رکن پارلیمنٹ کے تبصروں  کا معقول جواب دیتے ہوئے اسلامک ریسرچ سینٹر کے ڈائریکٹر رضوی نے کہا کہ برطانوی پارلیمنٹیرین کا بیان غیر ذمہ دارانہ ہے۔

ملک میں مسلم اقلیت کے ساتھ غیرجانبدارانہ رویہ اختیار کرنے پر ہندوستان کی تعریف کرتے ہوئے، رضوی نے مزید کہا، "ہندوستان میں، تمام مسلمان امن اور سکون کے ساتھ رہتے ہیں، ہمیں اپنے ملک میں کسی بھی قسم کے امتیاز کا سامنا نہیں کرنا پڑتا ہے۔ ہم  مکمل آزادی کے ساتھ نماز، اذان، جلسہ کرتے ہیں۔ کسی کو کسی قسم کی پریشانی کا سامنا نہیں کرنا پڑتا۔ جہاں تک کشمیر کا تعلق ہے، یہ ہندوستان کا اٹوٹ انگ ہے اور ہمیشہ رہے گا۔‘‘

تمام ہندوستانی مسلمانوں کا ماننا ہے کہ جموں و کشمیر ہندوستان کا حصہ تھا، ہے اور ہمیشہ رہے گا۔ اس حوالے سے خیالات کا کوئی تضاد نہیں ہے۔ ہندوستان میں مسلمان خوش ہیں۔ ہم ہندوستان میں خوشحالی چاہتے ہیں جو سب سے زیادہ ترقی پذیر ممالک میں سے ایک ہے۔انہوں نے برطانیہ کے رکن پارلیمنٹ اور پاکستان پر زور دیا کہ وہ بھارت کے کسی بھی اندرونی معاملے میں بات نہ کریں، انہوں نے مزید کہا کہ ہمیں کشمیر کے معاملے یا حجاب کے معاملے میں مداخلت قبول نہیں ہے… ہمیں کسی غیر ملکی کی مداخلت قبول نہیں ہے"۔

رضوی کے ریمارکس برطانیہ کے رکن پارلیمنٹ کے ٹویٹ کے جواب میں آئے ہیں۔ انہوں نے  ٹویٹ کیا  کہ میں بورس جانسن سے گزارش کرتا ہوں کہ وہ میرا تھریڈ پڑھیں، انسانی حقوق کے لیے کھڑے ہوں اور بین الاقوامی محاذ پر ہمیں اپنی لاعلمی سے شرمندہ کرنا بند کریں۔