<h3 style="text-align: center;">پارلیمنٹ ہاوس کے سینٹرل ہال میں نیشنل یوتھ پارلیمنٹ فیسٹیول۔2021 کا آغاز</h3>
<p style="text-align: center;">National Youth Parliament Festival-2021 begins in the Central Hall of Parliament House</p>
<p style="text-align: right;">نئی دہلی ، 11 جنوری (انڈیا نیرٹیو)</p>
<p style="text-align: right;"> لوک سبھا کے اسپیکر اوم برلا نے کہا ہے کہ ہندوستان کی جمہوریت دنیا بھر کے ممالک کے لیےمثالی ہے اور ہمارے جمہوری نظام پر</p>
<p style="text-align: right;">لوگوں کا اعتماد بڑھ گیا ہے۔</p>
<p style="text-align: right;"> انہوں نے جمہوریت میں نوجوانوں کی شرکت ، پالیسی سازی ، قانون سازی پر زور دیا اور کہا کہ جمہوریت کو مضبوط بنانے میں نوجوانوں</p>
<p style="text-align: right;">کی فعال شرکت ہونی چاہیے۔</p>
<h4 style="text-align: right;">برلا نے پیر کو پارلیمنٹ ہاوس کے سینٹرل ہال میں نیشنل یوتھ پارلیمنٹ فیسٹیول۔2021 کا آغاز کیا۔ اس موقع پر کھیلوں اور نوجوانوں کے امور کے وزیر مملکت (آزادانہ چارج) کیرن رجیجو بھی موجود تھے۔</h4>
<p style="text-align: right;">پروگرام میں شریک نوجوانوں سے خطاب کرتے ہوئے برلا نے کہا کہ وزیر اعظم نریندر مودی کو نوجوانوں پر بہت اعتماد ہے۔ انہوں نے کہا کہ نوجوان خواتین آج ہر شعبے میں نمایاں کردار ادا کررہی ہیں۔</p>
<p style="text-align: right;"> برلا نے کہا کہ شہری اپنا کردار صرف ووٹ ڈالنے تک ہی محدود نہیں رکھیں ، بلکہ اپنے نوجوانوں کی بے پناہ طاقت کو ملک کی تعمیر نو میں صرف کریں</p>
<p style="text-align: right;">انہوں نے کہا کہ ہندستان کی جمہوریت دنیا بھر کے ممالک کے لیے مثالی ہے۔ اگرچہ سیاسی جماعتوں میں نظریہ کا فرق ہے ،تاہم تمام جماعتیں قومی مفاد کے موضوع پر متحد ہیں۔</p>
<p style="text-align: right;">قابل ذکر ہے کہ قومی یوتھ فیسٹیول ہر سال منایا جاتا ہے،اس سال 12 سے 16 جنوری تک منعقد ہوگا۔ یوتھ فیسٹیول کورونا کی وبا کی وجہ سے ورچوئل ہو رہا ہے۔</p>
<p style="text-align: right;"> اس سال کے جشن کا مرکزی خیال ' نئے ہندوستان کا نوجوان ' ہے۔ وزیر اعظم نریندر مودی منگل کو صبح 10.30 بجے دوسرے قومی یوتھ پارلیمنٹ فیسٹیول کے لیےویڈیو کانفرنسنگ کے ذریعے تقریب سے خطاب کریں گے۔</p>
<p style="text-align: right;"> تقریب کے دوران تین قومی فاتح بھی اپنے خیالات کا اظہار کریں گے۔</p>.
