ہندوستانی بحریہ نے ہفتہ کے روز ’ پرستھان‘کا انعقاد کیا، جو کہ ممبئی سے باہر سمندر کے اثاثوں کی حفاظت میں تنظیمی تاثیر کا جائزہ لینے کے لیے ایک منظم مشق ہے ۔ ‘پرستھان’ سال میں دو بار ہیڈ کوارٹر، ویسٹرن نیول کمانڈ کے زیراہتمام منعقد کی جاتی ہے۔
اس کا مقصد حفاظتی خطرات اور آف شور تیل کی پیداوار کے پلیٹ فارمز میں پیدا ہونے والے دیگر ہنگامی حالات سے نمٹنے کے لیے تصور کیے گئے مختلف اقدامات اور پروٹوکول کا جائزہ لینا ہے۔ بحریہ کے مطابق، مختلف بحرانی حالات جیسے دہشت گردوں کے حملے، بم کی دھمکیاں، آگ، بلو آؤٹ اور طبی انخلاشامل تھے۔
انڈین نیوی، انڈین ایئر فورس، انڈین کوسٹ گارڈ، او این جی سی، ممبئی پورٹ اتھارٹی (ایم بی پی اے) جیسی پارٹنر ایجنسیوں، پولیس، فشریز اور کسٹمز نے ہنگامی حالات سے نمٹنے کے لیے اپنے ہنگامی طریقہ کار کو فعال کیا۔
ہندوستانی بحریہ ایک اہم ایجنسی ہے اور اسے ہندوستان کے ساحلوں پر تیل کی پیداوار کے پلیٹ فارم کی حفاظت کی ذمہ داری سونپی گئی ہے۔ ان شعبوں اور پہلوؤں کا جائزہ لینے کے لیے ایک تفصیلی تجزیہ کیا جائے گا جن میں بہتری اور توجہ کی ضرورت ہے۔
