بھارتی وزیر خزانہ نے ناسا کے اسپیس ٹیلی اسکوپ سینٹر کا دورہ کیا

سعودی عرب کے وزیر خزانہ سے ملاقات، تعلقات کو مضبوط بنانے پر زور

واشنگٹن، 12 اپریل

 ہندوستان کی وزیر خزانہ نرملا سیتا رمن نے کہا ہے کہ دنیا بھر میں رونما ہونے والی تبدیلیوں کے درمیان نیا ہندوستان عالمی اقتصادی نظام میں سرمایہ کاری کی منزل کا کردار ادا کرنے کے لیے تیار ہے۔ اپنے امریکی دورے کے دوران فیڈریشن آف انڈین چیمبرز آف کامرس اینڈ انڈسٹری (فکی) اور یو ایس انڈیا اسٹریٹجک پارٹنرشپ فورم کے زیر اہتمام ہندوستان میں سرمایہ کاری کی دہائی پر ایک گول میز کانفرنس سے خطاب کرتے ہوئے، انہوں نے نئے ہندوستان کی عالمی قبولیت کی حقیقت پر روشنی ڈالی۔

ہندوستانی وزیر خزانہ نے اس بات پر زور دیا کہ کووڈ-19 وبائی مرض سے درپیش چیلنجوں کے باوجود ہندوستان میں اصلاحات کی رفتار برقرار ہے۔ انہوں نے مرکزی بجٹ 2023-24 کے ذریعے حکومت ہند کی طرف سے رکھی گئی کئی ساختی اور نظم و نسق کی اصلاحات کی بھی وضاحت کی تاکہ اس بات کو بھی یقینی بنایا جا سکے کہ “امرت کال” کے دوران “نئے ہندوستان” کے وژن کو حقیقت پسندانہ طور پر حاصل کیا جاسکے۔

 انہوں نے اس بات پر روشنی ڈالی کہ ہندوستان دنیا بھر کے لوگوں کی دوگنا شرح پر ٹیکنالوجی اور ڈیجیٹلائزیشن ٹولز کو اپنا رہا ہے، جس سے ان کی زندگیوں کو مؤثر طریقے سے آسان بنایا جا رہا ہے۔ سیتارامن نے نشاندہی کی کہ ڈیجیٹلائزیشن ڈرائیو میں مقامی زبانیں شامل ہیں کیونکہ اب زیادہ تر آئینی زبانوں کو ہندوستان کے ڈیجیٹل پبلک انفراسٹرکچر (ڈی پی آئی) پلیٹ فارم تک رسائی حاصل ہے۔بھارتی وزیر خزانہ بین الاقوامی مالیاتی فنڈ اور عالمی بینک کے سالانہ اجلاس میں شرکت کے لیے ان دنوں امریکہ میں ہیں۔