Urdu News

وزیر اعظم کی ہر گھر دستک مہم کو مضبوط بنانے کے لیے این جی او کا تعاون ضروری: منسکھ منڈاویہ

وزیر اعظم کی ہر گھر دستک مہم کو مضبوط بنانے کے لیے این جی او کا تعاون ضروری: منسکھ منڈاویہ

مرکزی وزیر صحت منسکھ منڈاویہ نے منگل کے روز وزیر اعظم کی 'ہر گھر دستک' مہم کو غیر سرکاری تنظیموں (این جی اوز)، سول سوسائٹی (سی ایس او) اور ترقیاتی شراکت داروں کے ساتھ مضبوط بنانے پر تبادلہ خیال کیا۔

اس موقع پر انہوں نے کہا کہ کورونا ویکسینیشن میں تیزی لانے کا سہرا پورے ملک کو جاتا ہے۔ اجتماعی ہدف کو حاصل کرنے کے لئے اپنی مہارت اور صلاحیت کے مطابق کام کرنے والے تمام اسٹیک ہولڈرس کی شرکت جمہوریت  کی طاقت ہے۔

ڈاکٹر منڈاویہ نے کہا کہ ہندوستان کے ویکسینیشن پروگرام کو کامیاب بنانے کے لیے عوام کی شرکت ضروری ہے۔ انہوں نے کہا کہ این جی اوز اور سول سوسائٹی کی تنظیموں کی پہل سے کورونا کے دوران بہت سی کوششیں کامیاب ہوئیں۔ لاک ڈاؤن کے دوران کوئی بھوکا نہیں سویا۔

انہوں نے کہا کہ ملک کی 80 فیصد بالغ آبادی میں سے 80 فیصد کو کورونا کی پہلی ویکسین اور 40 فیصد کو دوسری ویکسین لگائی گئی ہے۔ لیکن اس تعداد کو 100 فیصد کرنا ہو گا، جس کے لیے سب کو یہ یقینی بنانا ہو گا کہ ملک کے آخری فرد کو بھی ویکسین لگائی جائے۔ اس کام میں این جی اوز اہم کردار ادا کر سکتی ہیں۔

وزارت صحت آیوشمان بھارت ڈیجیٹل مشن کے لیے رجسٹریشن مہم شروع کرے گی

بین الاقوامی تجارتی میلے میں وزارت صحت کے پویلین کا افتتاح

مرکزی وزیر صحت منسکھ منڈاویہ نے منگل کے روز کہا کہ آیوشمان بھارت ڈیجیٹل مشن ایک انقلاب ہے اور یہ ہمیں ڈیجیٹل ریکارڈ رکھنے میں  مدد کرے گا۔ آزادی کا امرت مہوتسو کے تحت ہم آیوشمان بھارت ڈیجیٹل مشن کے لیے رجسٹریشن مہم شروع کر رہے ہیں۔ وہ انڈیا انٹرنیشنل ٹریڈ فیئر (آئی آئی ٹی ایف) میں وزارت صحت کے پویلین کے افتتاح کے موقع پر بول رہے تھے۔ اس موقع پر انہوں نے پرگتی میدان تک سائیکل ریلی کی قیادت کی۔

منڈاویہ نے بتایا کہ صحت کے بنیادی ڈھانچے کو مضبوط کرنے کے لیے حال ہی میں آیوشمان بھارت ہیلتھ انفراسٹرکچر مشن شروع کیا گیا ہے۔ فٹ انڈیا، یوگا، کھیلو انڈیا کلی صحت کا حصہ ہیں۔ آیوشمان بھارت-صحت اور فلاح و بہبود کا مرکز ہمارے نظام صحت کی ریڑھ ہے۔

انہوں نے ہچکچاہٹ اورافواہوں کو دور کرنے کے لئے  پریس ڈے پر میڈیا کا شکریہ ادا کیا۔انہوں نے کہا کہ ایم بی بی ایس کی نشستیں دگنی ہوگئی ہیں اور پوسٹ گریجویٹ (پی جی) کی نشستوں میں بھی اضافہ ہوا ہے۔ ہمیں مزید ڈاکٹروں کی ضرورت ہے اور ڈاکٹر مریضوں کے تناسب کو بڑھانے کے لیے اسپتالوں میں سرمایہ کاری کر رہے ہیں۔

Recommended