<h3 style="text-align: center;">اکھلیش کے ’بی جے پی ویکسین ‘ والے بیان پر نتیش کمار کا طنز</h3>
<p style="text-align: right;">پٹنہ ، 06 جنوری (انڈیا نیرٹیو )</p>
<p style="text-align: right;">یوپی کے سابق وزیر اعلیٰ اکھلیش یادو کے کورونا ویکسین کے بارے میں  حالیہ بیان پر پوچھے جانے پر وزیر اعلیٰ نتیش کمار نے کہا کہ بولنے سے خبر چھپتی ہے اس لیے کچھ بولتے رہتے ہیں۔ کون کیا بولتا ہے میری اس میں دل چسپی نہیں ہے۔</p>
<p style="text-align: right;">وزیر اعلیٰ نتیش کمار نے کہا کہ حکومت بہار مرکز کے رہنما خطوط کے مطابق ریاست کے لوگوں کو ویکسین دینے کے لیےتیاریاں کر رہی ہے اور 50 سال سے زیادہ عمر کے لوگوں یا محکمہ صحت کے اہلکاروں کو  پہلے ترجیح دی جائے گی۔</p>
<p style="text-align: right;"> بہار کے وزیر اعلیٰ نے کہا کہ وہ جنتا دربار پروگرام شروع کرنے پر بھی غور کر رہے ہیں جو کچھ عرصہ قبل بند کردیا گیا تھا۔ انہوں نے کہا کہ جنتا کے دربار میں وزیر اعلیٰ پروگرام کی شروعات کی جائے گی۔</p>

<h4 style="text-align: right;">خبر چھپتی ہے اس لیے بولتے رہتے ہیں کچھ لوگ</h4>
<p style="text-align: right;">واضح ہو کہ یوپی کے سابق وزیر اعلیٰ اکھلیش یادو نے کورونا ویکسین  کو لے کر کہا تھا کہ وہ بی جے پی کی ویکسین نہیں لگوائیں گے۔ اس کے بعد ہنگامہ برپا ہوگیا۔ معاملہ الٹا پڑتا دیکھ اکھلیش یادو نے اس مسئلے پر اپنی صفائی بھی دی تھی۔</p>
<p style="text-align: right;"> انہوں نے صفائی میں کہا تھا کہ میں نے کسی سائنس داں یا کسی سے بھی پوچھ گچھ نہیں کی ہے جس نے ویکسین بنانے میں مدد کی ہے۔ ہم نے صرف بی جے پی پر ہی سوال کیا ہے ، کیوں کہ اس پارٹی نے جیسے فیصلے لیے ہیں ان پر عوام کواعتماد نہیں ہے۔</p>
<p style="text-align: right;">Nitish Kumar's satire on Akhilesh's 'BJP vaccine' statement</p>.