پارلیمنٹ میں بحث ومباحثہ اور بات چیت سے بہتر نتائج بر آمد ہوتے ہیں: لوک سبھا اسپیکر

<p dir="RTL" style="text-align: justify;">
<strong>برلا نے تین سالوں میں لوک سبھا میں نئے ریکارڈ بنائے</strong></p>
<p dir="RTL" style="text-align: justify;">
<strong>17ویں لوک سبھا میں گزشتہ 18 سالوں کے مقابلے تین سالوں میں سب سے زیادہ کام  ہوا ہے </strong></p>
<p dir="RTL" style="text-align: justify;">
 اوم برلا اتوار کو لوک سبھا کے اسپیکر کے طور پر اپنی تین سالہ میعاد پوری کر رہے ہیں۔ شائستہ اور سادہ طبیعت  کے مالک برلاانتہائی نرم گفتار  ہیں۔ تاہم وہ ایوان کی کارروائی کے دوران خلل پیدا کرنے پر ارکان کی سرزنش کرنے سے  ہچکچاتے نہیں ہیں۔ ایوان میں نظم و ضبط برقرار رکھنے کے ساتھ ساتھ وہ قانون سازی کا کام مکمل کرنے اور اراکین کو اپنے خیالات کے اظہار کے لیے کافی وقت دینے کے حق میں ہیں۔ ان کے تین سالہ دور میں لوک سبھا نے کئی نئے ریکارڈ بنائے ہیں۔ 1972 میں وقفہ سوالات کے آغاز کے بعد، 17 ویں لوک سبھا کے دوران تین بار ایسا ہوا کہ تمام 20 اسٹاروالے سوالات کا ایک گھنٹے میں جواب دیا گیا۔ لوک سبھا کے اجلاسوں اور کارروائیوں کے اعدادوشمار بتاتے ہیں کہ پچھلے 18 سالوں میں سب سے زیادہ کام 17ویں لوک سبھا کے پہلے تین سالوں میں ہوا ہے۔ ان کا کہنا ہے کہ پارلیمنٹ میں بحث اور بات چیت سے ہی بہتر نتائج سامنے آتے ہیں۔ لوک سبھا اسپیکر اوم برلا کے ساتھ <strong>'ہندوستھان سماچار</strong>' کے خصوصی نامہ نگار اجیت پاٹھک کی خصوصی گفتگو  کے اقتباسات پیش ہیں۔</p>
<p dir="RTL" style="text-align: justify;">
<strong>سوال</strong>: لوک سبھا کے اسپیکر کے طور پر تین سال کی مدت میں آپ کسے اپنی کامیابی سمجھتے ہیں؟</p>
<p dir="RTL" style="text-align: justify;">
<strong>جواب</strong>: 17ویں لوک سبھا کی تشکیل 25 مئی 2019 کو ہوئی تھی اور اس کی پہلی میٹنگ 17 جون 2019 کو ہوئی تھی۔ اس کے بعد سے لوک سبھا کا تین سالہ سفر بے مثال رہا ہے۔ 14ویں سے 16ویں لوک سبھا کے پہلے آٹھ اجلاسوں کے مقابلے 17ویں لوک سبھا کے پہلے آٹھ اجلاسوں میں ایوان کی پیداواری صلاحیت میں اضافہ ہوا ہے۔ 17ویں لوک سبھا کے پہلے اور آٹھویں اجلاس کے درمیان ایوان کی پیداواری صلاحیت 106 فیصد رہی ہے۔ یہ ارکان کی بھرپور شرکت سے ہی ممکن ہوا، جو بھی موضوعات بحث کے لیے آئے، ارکان نے جوش و خروش سے حصہ لیا اور رات گئے تک بیٹھ کر اپنی آئینی ذمہ داریوں کو نبھاتے رہے۔ اس کی وجہ سے ایوان میں کام کی پیداواری صلاحیت میں اضافہ ہوا۔ میں ان تین سالوں میں ایوان میں تعاون اور شرکت کے لیے تمام اراکین کا مشکور ہوں۔</p>
<p dir="RTL" style="text-align: justify;">
<strong>سوال</strong>: پچھلے تین سالوں میں ایوان کو چلانے میں آپ کو کن چیلنجوں کا سامنا کرنا پڑا؟</p>
<p dir="RTL" style="text-align: justify;">
<strong>جواب</strong>: دیکھئے میرے سامنے کوئی چیلنج نہیں تھا۔ ایوان کے کام کاج کو خوش اسلوبی سے چلانے میں سب کا تعاون ملا۔ میں نے تمام جماعتوں اور اراکین کو بحث میں حصہ لینے کے لیے کافی وقت دیا اور اراکین نے آزادانہ طور پر اپنے خیالات کا اظہار کیا۔ میری کوشش تھی کہ نئے ممبران اور خواتین ممبران کو اپنے خیالات کے اظہار کے لیے زیادہ سے زیادہ وقت دیا جائے اور میں نے ایسا کیا۔ اس کے نتائج بھی حوصلہ افزا تھے۔ پہلی بار منتخب ہونے والے 208 ارکان نے وقفہ صفر کے دوران مختلف مسائل اٹھائے۔ یہی نہیں، نئے اقدام کے تحت اب زیرو آور کے دوران اٹھائے گئے مسائل پر وزارتوں سے جواب  طلب کئے جا رہے ہیں۔</p>
<p dir="RTL" style="text-align: justify;">
<strong>سوال</strong>: ماضی قریب میں کانگریس سمیت مختلف پارٹیوں کے اراکین نے استحقاق کی خلاف ورزی کی شکایت کی، اس سمت میں کیا اقدامات کیے گئے؟</p>
<p dir="RTL" style="text-align: justify;">
<strong>جواب</strong>: استحقاق کی خلاف ورزی کی شکایات کے ازالے کا عمل ہے۔ ارکان کو پارلیمنٹ کے کام کاج، آئینی ذمہ داریوں کی ادائیگی کے لیے مراعات حاصل ہیں۔ اس کے علاوہ قانون سب کے لیے برابر ہے۔ استحقاق کی خلاف ورزی کا نوٹس جو لوک سبھا کے اسپیکر کے دفتر میں آتا ہے اس کے ازالے کے لیے کمیٹی کو بھیجا جاتا ہے۔ کمیٹی معاملے کی جانچ کرتی ہے اور مناسب فیصلہ کرتی ہے جس کی بنیاد پر کارروائی کی جاتی ہے۔</p>
<p dir="RTL" style="text-align: justify;">
<strong>سوال</strong>: پارلیمنٹ کی نئی عمارت کب تیار ہوگی اور کام کب شروع ہوگا؟</p>
<p dir="RTL" style="text-align: justify;">
<strong>جواب</strong>: دیکھیں پارلیمنٹ کی نئی عمارت کا کام تیز رفتاری سے جاری ہے۔ ہماری کوشش ہے کہ 2022 کے آئندہ سرمائی اجلاس کا اجلاس نئے پارلیمنٹ ہاؤس میں ہو۔ اس سمت میں کوششیں جاری ہیں۔</p>
<p dir="RTL" style="text-align: justify;">
<strong>سوال</strong>: سیاسی گلیاروں میں ایسی بحث چل رہی ہے کہ لوک سبھا کے اسپیکر کے طور پر آپ کی بہتر کارکردگی کو دیکھتے ہوئے آنے والے دنوں میں آپ کو کوئی نئی ذمہ داری سونپی جا سکتی ہے؟</p>
<p dir="RTL" style="text-align: justify;">
<strong>جواب</strong>: (مسکراتے ہوئے) ابھی میرے پاس لوک سبھا کے اسپیکر کی ذمہ داری ہے اور میں اسے پوری دیانتداری سے نبھا رہا ہوں۔ میں تمام ممبران کے تعاون سے اسے مکمل کرنے کی پوری کوشش کرتا ہوں۔</p>