<h3 style="text-align: center;">سپریم کورٹ میں جگن موہن ریڈی کے خلاف درخواست دائر</h3>
<p style="text-align: right;">وزیراعلی آندھرا پردیش جگن موہن ریڈی پر سپریم کورٹ وآندھرا پردیش ہائی کورٹ کے ججوں کے خلاف لکھے مکتوب کو میڈیا اور سوشل میڈیا میں عام کرنے کا الزام عائد کرتے ہوئے ان کے خلاف کاروائی کرنے کے لیےدرخواست دائر کی گئی ہے۔ ایک پیشہ ور وکیل سنیل سنگھ کی جانب سے یہ درخواست دائر کی گئی ہے۔ درخواست میں کہا گیا ہے کہ جگن موہن ریڈی نے غیر ذمہ دارانہ رویہ اختیار کرتے ہوئے سپریم کورٹ کو مکتوب لکھا جس میں انہوں نے سپریم کورٹ کے علاوہ آندھرا پردیش  کے ججوں کے خلاف اعتراض بھی کیا اوراس مکتوب کو میڈیا میں عام بھی کردیا جو آئین کی صریح خلاف ورزی ہے اس مواد کوسوشل میڈیا کے ذریعے پھیلنے میں زیادہ وقت نہیں لگتا اور عوامی تبصروں سے عوام کے دلوں میں عدلیہ کا احترام باقی نہیں رہے گا۔ سنیل کمار نے آئین کی عدلیہ کو بلا خوف و خطر اور کسی  دباؤ میں آئے بغیر کام کرنے کی آزادی ہے جس پر وہ گامزن ہے لیکن اس پر کھلے عام تبصروں سے عدلیہ کے وقار کو ٹھیس پہنچ سکتی ہے۔ درخواست میں کہا گیا ہے کہ عدلیہ سے متعلق مباحثہ کے لیے ایوان مناسب جگہ ہے، چناں چہ سر عام اس پر مباحثہ کسی فرد یاحکومت کو زیب نہیں دیتا اس لیے جگن موہن ریڈی کو اس پر تبصرے کرنے سے باز رکھا جانا چاہیے۔</p>.