نئی دہلی،یکم دسمبر (انڈیا نیرٹیو)
قومی راجدھانی علاقہ دہلی-این سی ٹی میں دہلی حکومت کی طرف سے ویٹ کی شرح میں بڑی کمی کے ساتھ ہی دارالحکومت میں پٹرول کی قیمت میں تقریباً 8 روپے کی کمی آئی ہے۔
وزیر اعلیٰ اروند کجریوال کی زیر صدارت این سی ٹی دہلی حکومت کی کابینہ کی میٹنگ میں پٹرول پرویٹ کی شرح 30 فیصد سے کم کر کے 19.40 فیصد کرنے کا فیصلہ کیا گیا۔
दिल्ली में आज हमने पेट्रोल काफ़ी सस्ता कर दिया। VAT की दर 30% से घटाकर 19.4% कर दी। NCR के अन्य शहरों के मुक़ाबले दिल्ली में पेट्रोल और डीज़ल सस्ता हो गया।
मैं उम्मीद करता हूँ कि इस कदम से दिल्ली के लोगों को महंगाई से राहत मिलेगी।
— Arvind Kejriwal (@ArvindKejriwal) December 1, 2021
اس فیصلے کے بعد دارالحکومت میں پٹرول کی قیمت میں تقریباً آٹھ روپے کی کٹوتی ہوئی ہے۔قابل غور ہے کہ مرکزی حکومت نے گھریلو بازار میں ڈیزل اور پیٹرول کی قیمتوں میں اضافے سے متاثرہ صارفین کو راحت دینے کے لیے نومبر کے پہلے ہفتے میں پٹرول پر 5 اور ڈیزل پر10 روپے ایکسائز ڈیوٹی کی کمی کی تھی ۔ اس کے بعد اتر پردیش، مدھیہ پردیش، راجستھان اور دیگر کئی ریاستوں نے بھی پٹرول اور ڈیزل قیمتوں میں صارفین کو راحت دی تھی۔کجریوال حکومت نے تقریباً ایک ماہ بعد ڈیزل اور پٹرول پر ویٹ کو کم کرنے کے لیے یہ فیصلہ لیا ہے۔ظاہرہے کہ اس فیصلے کے پیچھے پنجاب انتخابات ہے۔ یوپی اور دیگر ریاستوں نے مرکز کے ساتھ ہی صارفین کو راحت دی تھی مگر کیجریوال جو چناؤ کے لیے کچھ بھی کرنے کو تیار رہتے ہیں ، نے یہ فیصلہ لیا ہے کیوں پنجاب انتخابات سر پر ہے اور اپوزیشن پارٹیاں دہلی میں کجریوال حکومت سے ڈیزل اور پٹرول پر ویٹ کم کرنے کا مطالبہ کر رہی تھیں۔
