نئی دہلی، 10 اکتوبر (انڈیا نیرٹیو)

 وزیر اعظم نریندر مودی نے پیر کے روز اتر پردیش کے سابق وزیر اعلی ملائم سنگھ کے انتقال پر گہرے دکھ کا اظہار کیا۔ انہوں نے ملائم سنگھ سے جڑی کئی یادیں ٹوئٹر پر شیئر کی ہیں۔ مودی نے کہا-ملائم سنگھ یادو جی منفرد شخصیت کے مالک تھے۔ انہیں ایک نرم اور زمین سے جڑے رہنما کے طور پر سراہا گیاجو عوام کے مسائل کے تئیں حساس تھے۔ انہوں نے پوری لگن  سے لوگوں کی خدمت کی اور لوک نائک جے پی اور ڈاکٹر لوہیا کے نظریات کو مقبول بنانے کے لیے اپنی زندگی وقف کر دی۔

ایک اور ٹویٹ میں پی ایم مودی نے کہا کہ ملائم سنگھ یادو جی نے یوپی اور قومی سیاست میں اپنی الگ پہچان بنائی۔ وہ ایمرجنسی کے دوران جمہوریت کے لیے ایک اہم  سپاہی تھے۔ وزیر دفاع کی حیثیت سے انہوں نے مضبوط ہندوستان کے لیے کام کیا۔ ان کی پارلیمانی مداخلت عملی تھی اور قومی مفاد کو آگے بڑھانے پر زور دیا دیتے تھے۔

مودی نے کہا کہ جب ہم نے اپنی اپنی ریاستوں کے وزیر اعلی کے طور پر کام کیا تب میری ملائم سنگھ یادو جی سے کئی بات چیت ہوئی۔ ہم دونوں کے درمیان قربت برقرار رہی اور میں ہمیشہ ان کے خیالات سننے کے لیے بے تاب رہتا تھا۔ ان کی موت مجھے تکلیف دیتی ہے۔ ان کے اہل خانہ اور لاکھوں حامیوں کے تئیں میری  تعزیت۔ اوم شانتی۔

اس کے ساتھ ہی اتر پردیش کی سابق وزیر اعلیٰ اور بی ایس پی لیڈر مایاوتی نے کہا ہے کہ سماج وادی پارٹی کے بزرگ رہنما اور سابق وزیر اعلیٰ ملائم سنگھ یادو کے انتقال کی خبر بہت دکھی ہے۔ ان کے اہل خانہ اور تمام خیر خواہوں سے میری گہری تعزیت۔ قدرت ان سب کو یہ دکھ برداشت کرنے کی ہمت دے۔