مجھے اپنے نو جوانوں کی توانائی اور تخلیقی صلاحیتوں پر اعتماد ہے: نریندر مودی

نئی دہلی ، 19 فروری (انڈیا نیرٹیو)

 وزیر اعظم نریندر مودی نے ملک کے نوجوانوں پر اعتماد کا اظہار کرتے ہوئے جمعہ کے روز کہا کہ سرکلر معیشت ہمارے سیارے پر پڑنے والے صورتحال کے اثرات کو دور کرنے کے لیے ایک اہم قدم ثابت ہوسکتی ہے۔ وزیر اعظم آج ہندستان۔ آسٹریلیا سرکلر اکونامی ہیکاتھن سے خطاب کر رہے تھے۔

وزیر اعظم مودی نے کہا کہ ہندوستان – آسٹریلیا کی مضبوط شراکت داری کووڈ کے بعد دنیا کی تشکیل میں اہم کردار ادا کرسکتی ہے۔ اس شراکت میں ہمارے نوجوان ، ہمارے نوجوان موجد اور ہمارے اسٹارٹس اپ صف اول میں ہوں گے۔ وہ ویڈیو کانفرنسنگ کے ذریعے تقریب سے خطاب کررہے تھے۔

وزیر اعظم نے کہا کہ ہمیں اپنےکھپت کے طریقوں اور اس بات پر غور کرنے کی ضرورت ہے کہ ہم اس اس ک حالات پر پڑنے والے اثرات کو کس طرح کم کرسکتے ہیں۔ انہوں نے کہا کہ سرکلراکونامی، یعنی ہمارے سامنے موجود بہت سارے چیلنجوں سے نمٹنے کے لیے اہم ثابت ہوسکتی ہے۔

مودی نے کہا کہ کووڈ کے بعد مضبوط ہندوستان – آسٹریلیا کی شراکت داری دنیا کی تشکیل میں اہم کردار ادا کرے گی۔ ہمارے نوجوان،موجد ،اسٹارٹ اپس اس شراکت میں سب سے آگے ہوں گے۔ دونوں ممالک کے شریک نوجوانوں کی تعریف کرتے ہوئے وزیر اعظم نے کہا کہ آج کے نوجوان شرکا کی توانائی اور جوش و جذبہ بھارت اور آسٹریلیا کے مابین بڑھتی ہوئی شراکت کی علامت ہے۔مجھے اپنے نو جوانوں کی توانائی ، تخلیقی صلاحیتوں اور آوٹ آف دی باکس سوچ پر مکمل اعتماد ہے۔ وہ پوری دنیا کو مستقل حل فراہم کرسکتے ہیں۔

انہوں نے کہا کہ سرکلر اکونامی کا تصور ہمارے بہت سارے مسائل کو حل کرنے میں اہم ثابت ہوسکتا ہے۔ ری سائیکلنگ ، فضلہ کو ختم کرنا اور وسائل کی کارکردگی کو بہتر بنانا ہمارے طرز زندگی کا حصہ بننا چاہئے۔ سامان کی ری سائیکلنگ اور دوبارہ استعمال اور فضلہکو بہتر طریقے سے نمٹانا اور وسائل کی کارکردگی کو بہتر بنانا ہمارے طرز زندگی کا حصہ ہونا چاہیے۔

 مودی نے امید ظاہر کی کہ ہیکاتھن میں ظاہر کی گئی جدت طرازی دونوں ممالک کو سرکلراکونامی کے حل کے معاملے میں آگے بڑھنے کی تحریک دیتی ہیں۔ انہوں نےجدت طرازی کو بڑھانے اور انہیں اپنانے کے لئے راستے تلاش کرنے کی ضرورت پر بھی زور دیا۔

وزیر اعظم نے کہا کہ ہمیں کبھی بھی یہ فراموش نہیں کرنا چاہئے کہ ہم اس پوری دھرتی ماں کے ذریعہ فراہم کردہ وسائل کے مالک نہیں ہیں ، بلکہ آنے والی نسلوں کے لئے اس کے محضٹرسٹی ہیں۔ انہوں نے کہا کہ اس ہیکاتھن میں نوجوان نسل کے ذریعہ جوش و جذبے اور توانائی کا اظہار ہندستان اور آسٹریلیا کے مابین مستقبل کی شراکت کی علامت ہے۔