نئی دہلی، 15 ستمبر (انڈیا نیرٹیو)

 وزیراعظم نریندر مودی نے جمعرات کو انجینئرس ڈے کے موقع پر ممتاز انجینئر سر موکشا گنڈم وشویشوریا کو یاد کیا۔

وزیراعظم مودی نے ٹویٹ کیا، ”تمام انجینئروں کو انجینئرس ڈے مبارک ہو۔ ہمارا ملک خوش نصیب ہے کہ ہمارے پاس ہنر مند اور باصلاحیت انجینئروں کا ایک گروپ ہے جو قوم کی تعمیر میں اپنا تعاون دے رہے ہیں۔ ہماری حکومت مزید انجینئرنگ کالجوں کی تعمیر سمیت پڑھائی کے لئے بنیادی ڈھانچے کو بڑھانے کے لئے کام کر رہی ہے۔“

انہوں نے ایک اور ٹویٹ میں کہا، ”انجینئرس ڈے پر، ہم سر ایم وشویشوریا کی اہم شراکت کو یاد کرتے ہیں۔ وہ مستقبل کے انجینئروں کی نسلوں کو خود کو الگ کرنے کی ترغیب دیتے رہیں۔ میں پچھلے من کی بات پروگراموں میں سے ایک اقتباس بھی شیئر کر رہا ہوں۔ جہاں میں نے اس موضوع پر بات کی تھی“۔