نئی دہلی، 11 اپریل (انڈیا نیرٹیو)
وزیر اعظم نریندر مودی جمعرات کو روزگار میلے کے تحت 71 ہزار نوجوانوں کو تقرری کے خطوط دیں گے۔ یہ تقرریاں ملک کی مختلف وزارتوں میں ہوں گی۔ مرکزی حکومت نے اس سال 10 لاکھ نوجوانوں کو ملازمتیں فراہم کرنے کا ہدف رکھا ہے۔
منگل کو یہ جانکاری دیتے ہوئے وزیر اعظم کے دفتر (پی ایم او) نے کہا کہ وزیر اعظم نریندر مودی 13 اپریل کو صبح 10:30 بجے ویڈیو کانفرنسنگ کے ذریعے تقریباً 71,000 نو تعینات نوجوانوں کو تقرری کے خطوط تقسیم کریں گے۔ اس موقع پر وزیراعظم ان نوجوانوں سے خطاب بھی کریں گے۔
روزگار میلہ روزگار کے حصول کو اولین ترجیح دینے کے وزیر اعظم کے عہد کو پورا کرنے کی طرف ایک اہم قدم ہے۔ امید کی جاتی ہے کہ روزگارمیلہ روزگار کے مزید مواقع پیدا کرنے میں حوصلہ افزائی کا کام کرے گا اور نوجوانوں کو بااختیار بنانے اور قومی ترقی میں شرکت کے لیے بامعنی مواقع فراہم کرے گا۔
ملک بھر سے نئے بھرتی کیے گئے افراد حکومت ہند کے تحت مختلف عہدوں پر جوائن کریں گے۔ ٹرین مینیجر، اسٹیشن ماسٹر، سینئر کمرشل کم ٹکٹ کلرک، انسپکٹر، سب انسپکٹر، کانسٹیبل، اسٹینو گرافر، جونیئر اکاؤنٹنٹ، پوسٹل اسسٹنٹ، انکم ٹیکس انسپکٹر، ٹیکس اسسٹنٹ، سینئر ڈرافٹس مین، جے ای/سپروائزر، اسسٹنٹ پروفیسر، ٹیچر، لائبریرین، نرس، پروبیشنری آفیسر، PA، ایم ٹی ایس ،پی اے وغیرہ۔
نئے بھرتی ہونے والوں کو بھی کرمایوگی پرارمبھ کے ذریعے خود کو تربیت کا موقع ملے گا، جو کہ مختلف سرکاری محکموں میں تمام نئے بھرتیوں کے لیے ایک آن لائن اورینٹیشن کورس ہے۔
