کشتواڑ( جموںو کشمیر)9؍ فروری

بھاری برف باری کو برداشت کرتے ہوئے، فوج اور ہندوستانی فضائیہ نے جمعرات کو جموں و کشمیر کے کشتواڑ کے ایک گاؤں سے ایک حاملہ خاتون کو تشویشناک حالت میں ہوائی جہاز سےایئر لفٹ کیا۔

افسروں نے بتایا کہ ایک تکلیف دہ کال کا جواب دیتے ہوئے، فوج کے دستے دورافتادہ نواپاچی علاقے میں گاؤں پہنچے اور خاتون کو اسٹریچر پر  اٹھاکر  مصیبت سے باہر نکالا۔انہوں نے بتایا کہ آئی اے ایف نے ایم آئی ہیلی کاپٹر کو نواپنچی کے لیے اڑایا اور خاتون کو ہوائی جہاز سےایئر لفٹ کیا ، جسے خصوصی علاج کے لیے کشتواڑ کے ضلع اسپتال منتقل کیا گیا۔

دفاعی ترجمان لیفٹیننٹ کرنل دیویندر آنند نے کہا کہ ”ہندوستانی فوج نے ہندوستانی فضائیہ کے ساتھ قریبی رابطہ کاری میں ایک حاملہ خاتون کو نازک حالت میں ضلع کشتواڑ کے دور دراز کے موسم سرما کے الگ تھلگ علاقے نواپاچی سے کشتواڑ قصبہ منتقل کیا جہاں خاتون کا علاج ضلع اسپتال میں کیا جا رہا ہے’ ‘نوپانچی کے لوگوں نے فوج اور آئی اے ایف کے تئیں اظہار تشکر کیا اور ان میں سے کچھ نے دونوں افواج کی تعریف کرتے ہوئے نعرے بھی لگائے۔

لیفٹیننٹ کرنل آنند نے کہا کہ فوج اس علاقے کے لوگوں کو درپیش مشکلات کو کم کرنے کی کوششیں کر رہی ہے جہاں سخت موسم ہے اور خاص طور پر سردیوں میں جب سڑکوں کی بندش کی وجہ سے یہ ضلع کے باقی حصوں سے کٹ جاتی ہے۔انہوں نے کہا، ”ہندوستانی فوج خطے میں انسداد دہشت گردی کی کارروائیوں کے علاوہ ہمیشہ لوگوں کو جان بچانے والی انسانی امداد فراہم کرتی رہی ہے۔