وزیراعظم نریندر مودی نے آکسیجن اور دواؤں کی دستیابی کے لیے ایک اعلیٰ سطحی میٹنگ کی صدارت کی

وزیراعظم نریندر مودی نے آکسیجن اور دواؤں کی دستیابی اورسپلائی کے جائزے کے لیے کل ایک اعلیٰ سطحی میٹنگ کی صدارت کی۔ انہیں بتایا گیا کہ حکومتکووڈ کے ساتھ ساتھ Mucormycosis کے بندوبست میں استعمال ہونے والی ادویات کی سپلائیکی سرگرمی سے نگرانی کر رہی ہے۔ کئی مرکزی وزیروں نے بھی وزیراعظم کو مطلع کیا کہ وہ دوائیں بنانے والوں کے ساتھ مسلسل رابطے میں ہیں تاکہ پیداوار میں اضافہ کیا جاسکےاور ضروری مدد کی جاسکے۔

جناب مودی کو ایسی تمام دواؤں کے اہم مرکبات کی پیداواراور موجودہ اسٹاک کے بارے میں بھی مطلع کیا گیا۔ وزیراعظم کو بتایا گیا کہ پچھلے چندہفتوں میں Remdesivir سمیت تمام ادویات کی تیاری میں اضافہ کر دیا گیاہے۔

جناب مودی نے کہا کہ بھارت میں ادویات کا سیکٹر بہت فعالہے اور حکومت کے مسلسل تعاون سے تمام ادویات کی مناسب دستیابی کو یقینی بنایا جائےگا۔

وزیراعظم نے ملک میں آکسیجن کی دستیابی اور سپلائی کی صورت حال کا بھی جائزہ لیا۔ اس بات کو اجاگر کیا گیا کہ آکسیجن کی سپلائی اب پہلی لہر کے عروجکے دوران کی گئی سپلائی سے تین گنا زیادہ ہے۔ انہیں آکسیجن ریل اور بھارتی فضائیہ کےطیاروں کی پروازوں کے بارے میں بھی بتایا گیا۔ جناب مودی کو آکسیجن کنسنٹریٹرز ، آکسیجن سلینڈرز کی خریداری اور ملک بھر میں PSA پلانٹس کی تنصیب کے بارے میں بھی مطلع کیا گیا۔

وزیراعظم نے اس بات کو اجاگر کیا کہ ریاستوں سے کہا جائےکہ وہ ایک مقررہ مدت میں وینٹی لیٹرز چلانا شروع کریں اور وینٹی لیٹر بنانے والوں کی مدد سے تکنیکی اور تربیتی معاملات کو حل کریں۔