وزیر اعظم نریندر مودی کی وزرائے اعلیٰ کے ساتھ بات چیت

وزیر اعظم نریندر مودی ان ریاستوں کے وزرائے اعلیٰ کے ساتھ بات چیت کررہے ہیں، جہاں کووڈ کے معاملوں کی تعداد میں اضافے کی اطلاع مل رہی ہے۔ مہاراشٹر،اترپردیش، مدھیہ پردیش، چھتیس گڑھ، کیرالہ، گجرات، دلی، راجستھان، کرناٹک اور تمل ناڈوکے وزرائے اعلیٰ اس ورچوئل میٹنگ میں شرکت کررہے ہیں۔

کووڈ کے کُل نئے یومیہ معاملات کا تقریباً 75 فیصد کا تعلقاِن ریاستوں سے ہے۔ ہمارے نامہ نگار نے اطلاع دی ہے کہ وزیر اعظم کی بات چیت کے دوراناِس بات پر خاص توجہ دی گئی کہ اُن ریاستوں میں جہاں کووڈ کے معاملوں کی تعداد زیادہے ، مزید آئی سی یو بستر فراہم کئے جائیں اور کووڈ کی دیکھ بھال کی سہولتیں تیار کی جائیں۔

انہوں نے میڈیکل آکسیجن لے جانے والی گاڑیوں کی نقل حمل کو آسان بنانے کی ضرورت پر بھی ضرور دیا، تاکہ اس آسانی سے رسائی ہوسکے۔ جناب مودی نے جانچ کو بڑھانے کی ضرورت کو بھی دوہرایا اور عالمی وبا سے بہتر طور سے نمٹنے کےلیے بہت چھوٹے کٹینمنٹ زون کی تشکیل کی ضرورت بھی دہرائی۔

وزیر داخلہ امت شاہ، وزیر صحت ڈاکٹر ہرش وردھن، کامرس وصنعت کے وزیر پیوش گوئل بھی اس میٹنگ میں موجود ہیں۔اس سے پہلے دن میں جناب مودی نے حکومت کے اعلیٰ افسروں کےساتھ ایک میٹنگ کے دوران ملک میں کووڈ-19 کی ابھرتی ہوئی موجودہ صورت حال کا بھی جائزہ لیا۔ وزیر اعظم آج بعد میں ملک کے سرکردہ آکسیجن تیار کرنے والوں کے ساتھ بھی میٹنگ کریں گے، جس میں اُن ریاستوں میں، جہاں کووڈ- 19 کے معاملوں میں اضافے کی اطلاعات ہیں،بڑھتی ہوئی مانگ کے پیش نظر میڈیکل آکسیجن کی سپلائی اور اس کی تیاری کی صورت حال کاجائزہ لیں گے۔

دوسری طرف وزیراعظم نریندر مودی نے متعلقہ حکام کو ہدایت دی ہے کہ وہ مختلف ریاستوں کے لیے خوش اسلوبی کے ساتھ آکسیجن کی بلا رکاوٹ سپلائی کویقینی بنائیں۔ جناب مودی نے ملک میں آکسیجن کی سپلائی کا جائزہ لینے اور اس کی دستیابی بڑھانے کے طور طریقوں پر تبادلہ خیال کے لیے کل اعلیٰ سطح کی میٹنگ کی صدارت کی۔ وزیراعظم نے رکاوٹ پڑنے کی صورت میں مقامی انتظامیہ کی ذمے داری طے کرنے کی ضرورت کے بارے میں بھی بات کی۔

جناب مودی نے ریاستوں کے لیے اور زیادہ تیزی کے ساتھ آکسیجن کے نقل و حمل کو یقینی بنائے جانے کی ضرورت پر بھی زور دیا۔ انھوں نے کہا کہ ریاستوں کو ذخیرہ اندوزی کے خلاف سخت کارروائی کرنی چاہیے۔ وزیراعظم کو اِس بات کی جانکاری دی گئی کہ ریاستوں کے لیے آکسیجن کی سپلائی میں کس طرح لگاتار اضافہ ہو رہا ہے۔

وزیر اعظم مودی نے کورونا سے متاثرہ ریاستوں کے وزرائے اعلیٰ سے گفتگو کی

وزیر اعظم نریندر مودی نے جمعہ کو کووڈ۔19 سے متاثرہ ریاستوں کے وزرائے اعلی سے ایک اعلی سطحی اجلاس کی صدارت کی جس میں ملک بھر میں آکسیجن کی فراہمی اور اس کی دستیابی بڑھانے کے طریقوں اور اقدامات کا جائزہ لیا گیا۔

وزیر اعظم مودی ، مرکزی وزیر داخلہ امت شاہ ، دہلی کے وزیر اعلی اروند کیجریوال ، مہاراشٹرا کے وزیر اعلیٰ ادھو ٹھاکرے ، راجستھان کے وزیر اعلیٰ اشوک گہلوت ، کرناٹک کے وزیر اعلیٰ بی ایس یدیورپا ، مدھیہ پردیش کے وزیر اعلیٰ شیوراج سنگھ چوہان ، کیرالہ کے وزیر اعلیٰ پنارائی نے ملاقات کی۔ دیگر کئی ریاستوں کے وزرائے اعلیٰ بھی ویڈیو کانفرنسنگ کے ذریعے شامل ہوئے۔