وزیراعظم جناب نریندرمودی اترپردیش کے بنارس میں کل ہند میئرس کانفرنس کا افتتاح کریں گے اور کانفرنس سے خطاب کریں گے، اس کا اہتمام شہری ترقی کے محکمہ کی طرف سے کیا  جارہا ہے۔ وزیراعظم ویڈیو کانفرنسنگ کے ذریعہ  17 دسمبر 2021 کو صبح ساڑھے دس بجے میئرس کانفرنس کاافتتاح کریں گے۔  ملک بھر کی مختلف ریاستوں کے میئر اس کانفرنس میں شرکت کریں گے۔ کانفرنس کا موضوع ہے ‘نیواربن انڈیا’’۔

وزیراعظم جناب نریندر مودی کی مسلسل کوشش رہی ہے کہ  شہری علاقوں میں  زندگی کے رہن سہن کو آسان بنایا جائے اور حکومت نے سہولتوں کی کمی اور خراب شہری بنیادی ڈھانچے کے مسائل کو دور کرنے کے لئے کئی اسکیمیں اوراقدامات کاآغاز کیا ہے۔ ان کوششوں کی خاص توجہ اترپردیش کی ریاست رہی ہے جس نے  گزشتہ 5 سالوں میں شہری  علاقوں میں زبردست ترقی اور نمایاں تبدیلی دیکھی ہے۔

17 سے 19 دسمبر کو ایک نمائش کابھی اہتمام  کیا جارہا ہے جس میں بھارت سرکاراوراترپردیش حکومت کی شہری ترقی کےشعبوں میں اہم حصولیابیوں کو نمایاں کیا جائے گا۔

اترپردیش کے وزیراعلیٰ اور مکانات اورشہری امور کے  مرکزی وزیراس موقع پرموجود رہیں گے۔