نئی دہلی، 05 دسمبر (انڈیا نیریٹو)

وزیر اعظم نریندر مودی نے پیر کے روز تمام ووٹروں سے گجرات اسمبلی انتخابات اور ملک کے مختلف حصوں میں ہونے والے ضمنی انتخابات میں بڑی تعداد میں ووٹ ڈالنے کی اپیل کی ہے ۔

گجرات اسمبلی کی 93 سیٹوں کے لیے آج دوسرے مرحلے کی پولنگ ہو رہی ہے۔ ساتھ ہی، اتر پردیش میں مین پوری لوک سبھا سیٹ اور بہار، چھتیس گڑھ، اڈیشہ، راجستھان اور اتر پردیش کی چھ اسمبلی سیٹوں پر ضمنی انتخابات کے لیے ووٹنگ جاری ہے۔

وزیر اعظم مودی نے ایک ٹویٹ پیغام میں کہا- ”میں گجرات انتخابات کے دوسرے مرحلے میں ووٹ ڈالنے والے تمام لوگوں، خاص طور پر نوجوان ووٹرز اور خواتین ووٹرز سے بڑی تعداد میں ووٹ ڈالنے کی اپیل کرتا ہوں۔ میں احمد آباد میں صبح 9 بجے کے قریب اپنا ووٹ ڈالوں گا“۔

ایک اور ٹویٹ میں، انہوں نے کہا”بھارت کے مختلف حصوں میں ضمنی انتخابات بھی ہو رہے ہیں۔ میں ان لوگوں سے درخواست کرتا ہوں کہ جن کی نشستوں پر یہ ضمنی انتخابات ہو رہے ہیں وہ بڑی تعداد میں باہر آئیں اور ووٹ دیں“۔