طیارہ بردار بحری جہاز
نیول کمانڈرز کانفرنس 2023 کا پہلا ایڈیشن 6 مارچ 23 کو شروع ہوگا ۔ طیارہ بردار بحری جہاز
یہ کانفرنس بحریہ کے کمانڈروں کے لیے ادارہ جاتی فورم کے ذریعہ ملٹری اسٹریٹیجک سطح پر اہم سیکورٹی امور پر تبادلہ خیال کرنے کے ساتھ ساتھ حکومت کے سینئر عہدیداروں سے بات چیت کرنے کے لئے ایک پلیٹ فارم کے طور پر کام کرتی ہے ۔
اس سال کمانڈروں کی کانفرنس کا پہلا مرحلہ سمندر میں منعقد کیا جا رہا ہے۔ یہ اس سال کی کانفرنس کی جدت ہے۔ نیز پہلی بار یہ کانفرنس ہندوستان کے پہلے مقامی طیارہ بردار بحری جہاز، آئی این ایس وکرانت پر منعقد کیا جا رہا ہے۔ عزت مآب وزیر دفاع ، جناب راج ناتھ سنگھ کانفرنس کے افتتاحی دن آئی این ایس وکرانت پر بحریہ کے کمانڈروں سے خطاب کریں گے۔ چیف آف ڈیفنس اسٹاف اور ہندوستانی فوج اور ہندوستانی فضائیہ کے سربراہان بھی اگلے دنوں میں بحریہ کے کمانڈروں کے ساتھ بات چیت کریں گے۔
اس کا مقصد تینوں افواج کے درمیان معمول کی کارروائیوں کے لیے سازگار ماحول پیدا کرنے کے ساتھ ساتھ ملک کے دفاع اور تینوں افواج کے درمیان ہم آہنگی اور ہندوستان کے قومی مفادات میں فوری کارروائی سے متعلق مسائل کو حل کرنا ہے۔ کانفرنس کے پہلے دن سرگرمیوں کے حصے کے طور پر سمندر ی آپریشن کے مظاہرے کا بھی منصوبہ بنایا گیا ہے۔
بحریہ کے سربراہ،بحریہ کے دیگر کمانڈروں کے ساتھ گزشتہ چھ ماہ میں ہندوستانی بحریہ کی جانب سے شروع کی گئی اہم آپریشنل، میٹریل، لاجسٹکس، انسانی وسائل کی ترقی، تربیت اور انتظامی سرگرمیوں کا جائزہ لیں گے اور اہم سرگرمیوں اور اقدامات کے لیے مستقبل کے منصوبوں پر مزید غور و فکر کریں گے۔ کانفرنس کے دوران بحریہ کے کمانڈروں کو 22 نومبر کو ہندوستانی بحریہ میں نافذ گئی ‘اگنی پتھ اسکیم’ کے بارے میں اپ ڈیٹ بھی فراہم کیا جائے گا۔
اس خطے کی موجودہ جیواسٹریٹیجک صورتحال کی وجہ سے کانفرنس کی اپنی اہمیت اور موزونیت ہے۔ ہندوستان کے بڑھتے ہوئے سمندری مفادات کے مطابق بحریہ نے گزشتہ برسوں میں اپنے آپریشنل ٹاسکنگ میں نمایاں اضافہ دیکھا گیاہے۔ کمانڈر ہمارے سمندری مفادات کو درپیش چیلنجوں سے نمٹنے کے لیے بحریہ کی تیاری پر بھی غور و خوض کریں گے۔ ہندوستانی بحریہ جنگی طور پر تیار، قابل بھروسہ، مربوط اور مستقبل کی ضرورتوں کے مطابق ایک فورس بننے پر مرکوز ہے۔ یہ ملک کی بحری سلامتی کے ضامن کے طور پر اپنے مشن کو پورا کرنے کے لیے مسلسل کوشاں ہے۔
رجنی کانت کی ’جیلر‘ جمعرات کو ریلیز ہوئی۔ فلم کو پہلے دن سینما گھروں میں…
مضمون نگار: زبیر قریشی میری ماٹی، میرا دیش مہم نے وسطی کشمیر کے گاندربل ضلع…
جموں و کشمیر کی یونین ٹیریٹری میں تنظیم نو کے بعد ہونے والی اہم تبدیلیوں…
شمالی کشمیر کے ضلع بانڈی پورہ سے تعلق رکھنا والا محمد مقبول ڈار نامی قالین…
زعفران کی جی آئی ٹیگنگ کے بعد، کسانوں نے اس کی پیداوار میں اضافہ کیا…
سری نگر میں، لال چوک پر نئے تجدید شدہ تاریخی کلاک ٹاور ایک خوشگوار حیرت…