<div> آر جے ڈی نے کیا اپنے امیدواروں کے ناموں کا اعلان</div>
<div>ریاستی صدر جگدانند سنگھ کے لڑکے رام گڑھ سے اور شیو ا نند تیواری کے بیٹے شاہ پور سےلڑیںگے الیکشن</div>
<div> آر جے ڈی نے کیا اپنے امیدواروں کے ناموں کا اعلان</div>
<div> آر جے ڈی نے پیر کو بہار اسمبلی انتخابات کے لئے اپنے امیدواروں کے ناموں کا اعلان کیا۔ پارٹی نے اپنے ریاستی صدر جگدانند سنگھ کے بیٹے سدھاکر سنگھ اور پارٹی کے سینئر رہنما شیوانند تیواری کے بیٹے راہل تیواری کو بھی اپنا امیدوار بنایا ہے۔ اس کے علاوہ آر جے ڈی نے نوکہا سے انیتادیوی ، چکئی سے ساوتری دیوی، جموئی سے وجے پرکاش یادو ، جہان آباد سے سودیو یادو ، رام گڑھ سے آر جے ڈی کے ریاستی صدر جگدانند سنگھ کے بیٹے راہل تیواری ، شاہ پور سے شیوانند تیواری کے بیٹے راہل تیواری اور شیخوپورہ سے وجے سمراٹ کو ٹکٹ دیا ہے۔</div>
<div>مہاگٹھ بندھن میں سیٹوں کا بنٹوارہ ہفتہ کو ہوا تھا۔ آر جے ڈی کے حصے میں 144 سیٹیں اور کانگریس کو70 سیٹیں ملی ہیں۔ سی پی آئی مالے کے حصے میں 19 سیٹیں آئی ہیں جبکہ سی پی آئی (ایم) کو 4 اور سی پی آئی کو 6 سیٹیں دی گئی ہیں ۔ تیجسوی نے کہا تھا کہ وی آئی پی اور جے ایم ایم کو آر جے ڈی کوٹہ میں سے سیٹیں دی جائیں گی ، جس کے خلاف وی آئی پی نے مہا گٹھ بندھن کا ساتھ چھوڑ دیا تھا۔</div>
<div> سیٹ بنٹوارے کا اعلان کرتے ہوئے آر جے ڈی لیڈر تیجسوی یادو نے کہا کہ مہا گٹھ بندھن ایک مضبوط آپشن ہے اور کہا کہ ہم اکٹھے ہوئے ہیں اور ایک مضبوط آپشن رکھا ہے۔ ہم کانگریس اور بائیں بازو کی جماعتوں کا شکریہ ادا کرتے ہیں۔ اگر یہاں کے لوگوں نے موقع دیا تو ہم تمام وعدے پورے کریں گے۔ بہار کو ترقی کی راہ پر گامزن کریں گے۔</div>
<div></div>
<div></div>
<div></div>
<div></div>
.
