دہلی-این سی آر میں شدید سردی، صبح پارہ 8.4

نئی دہلی، 28 دسمبر (انڈیا نیریٹو)

قومی راجدھانی دہلی اور این سی آر میں بدھ کی صبح شدید سردی کی وجہ سے عام زندگی متاثر ہوئی۔لوگوں کو دھند اور کوہرے کے درمیان سڑکوں کے کنارے، پھل اور سبزی منڈیوں میں الاؤ جلاتے دیکھا گیا۔ اس کے ساتھ ہی شمالی ہندوستان کی کئی ریاستوں میں سرد لہر سے ٹھٹھرن بڑھ گئی ہے۔

بھارتی محکمہ موسمیات کے مطابق دہلی-این سی آر سمیت شمالی بھارت میں اگلے تین سے چار دنوں تک شدید سردی اور گھنا کوہرا چھایا رہے گا۔ اگلے 24 گھنٹوں کے دوران ہریانہ، چندی گڑھ اور مشرقی اتر پردیش کے کئی حصوں سمیت شمالی راجستھان میں الگ الگ مقامات پر گھنا کوہرا چھائے رہنے کا امکان ہے۔

دہلی میں آج صبح درجہ حرارت 8.4 ڈگری سیلسیس ریکارڈ کیا گیا۔ دریں اثنا، پنجاب کے امرتسر میں کم سے کم درجہ حرارت 6 ڈگری سیلسیس ریکارڈ کیا گیا۔ اس سیزن کا سب سے زیادہ کوہرا منگل کو دہلی میں دیکھا گیا۔ منگل کو زیادہ سے زیادہ درجہ حرارت 17.2 اور کم سے کم 5.6 ڈگری سیلسیس ریکارڈ کیا گیا تھا۔