Categories: قومی

شاہنواز اور مکیش سہنی نے لی قانون ساز کونسل ممبر کا حلف

Shahnawaz and Mukesh Sahni took oath as members of the Legislative Council

پٹنہ ، 29 جنوری (انڈیا نیرٹیو)

بہار قانون ساز کونسل کے دو نو منتخب ممبران بھارتیہ جنتا پارٹی (بی جے پی) کے سید شاہنواز حسین اور وکاس انسانی پارٹی (وی آئی پی) کے مکیش سہنی نے آج وزیر اعلیٰ نتیش کمار ،راجیہ سبھا ممبر اور سابق نائب وزیر اعلی سشیل مودی کی موجودگی میں حلف لیا ۔

بہار قانون ساز کونسل کے ایگزیکٹو چیئرمین اودھیش نارائن سنگھ نے دونوں ممبروں کو حلف دلائی ۔ شاہنواز حسین نے اردو میں اور مکیش سہنی نے ہندی میں حلف لیا۔

&nbsp;وزیر اطلاعات و تعلقات عامہ وجے چودھری ، وزیر سیاحت جیویش مشرا ، سابق وزیر سرون کمار ، بی جے پی کے قومی ترجمان اور قانون ساز کونسل کے ممبر سنجے میوک کے علاوہ قانون ساز کونسل کے کئی ممبران اس دوران موجود تھے۔

&nbsp;مکیش سہنی اور بی جے پی کے قومی ترجمان شاہنواز حسین کو بہار قانون ساز کونسل سے منتخب کئے گئے ہیں ۔ قانون ساز کونسل کی سیٹوں کے لیے ہونے والے ضمنی انتخاب میں حزب اختلاف کی طرف سے کوئی امیدوار نہ ہونے کی صورت میں دونوں رہنماؤں کو بلا مقابلہ منتخب کر لیا گیا ہے۔

شاہنواز حسین پہلی بار بہار قانون ساز کونسل کے رکن بنے ہیں ۔ حالاں کہ اس سے قبل وہ مرکزی وزیر رہ چکے ہیں۔ دو بار رکن پارلیمنٹ رہ چکے شاہنواز پہلی بار کشن گنج سے پارلیمنٹ اور دوسری بار ضمنی انتخاب میں بھاگلپور سے پارلیمنٹ پہنچے تھے۔

&nbsp;جب کہ مکیش سہنی اس سے قبل کسی بھی ایوان کے ممبر نہیں رہے ہیں۔ وہ پہلی بار ایوان بالا کے ممبر منتخب ہو ئے ہیں ۔ شاہنواز کو لے کراقتدار کے گلیاروں میں یہ باتیں چل رہی ہے کہ نتیش حکومت میں انہیں وزیر کا عہدہ سونپا جا سکا سکتا ہے۔&nbsp;