سونیا گاندھی نے کانگریس کے زیر اقتدار ریاستوں کے وزرائے اعلیٰ سے گفتگوکی

 کانگریس کی صدر نے کورونا سے بچاو  کے لیےکیے جانے والے اقدامات کا جائزہ لیا

نئی دہلی ، 10 اپریل (انڈیا نیرٹیو)

 کانگریس پارٹی کی عبوری صدر سونیا گاندھی نے پارٹی کے زیر اقتدار ریاستوں کے وزرائے اعلیٰ اور سینئر رہنماو ں کے ساتھ ایک ملاقات کی جس میں کورونا انفیکشن کے تیزی سے پھیلاو  کو روکنے کے لئے کیے جارہے اقدامات کا جائزہ لیا گیا۔

سونیا گاندھی نے ہفتے کے روز ویڈیو کانفرنسنگ کے ذریعہ کانگریس کے زیر اقتدار ریاستوں کے وزرائے اعلیٰ اور سینئر رہنماو ں کے ساتھ ایک میٹنگ کی۔ اس میٹنگ میں راجستھان کے وزیر اعلی اشوک گہلوت ، وزیر اعلیٰ پنجاب کیپٹن امریندر سنگھ ، چھتیس گڑھ کے وزیر اعلیٰ بھوپیش بگھیل کے علاوہ کانگریس کے سابق صدر راہل گاندھی ، مکول واسنک اور متعدد سینئر قائدین نے شرکت کی۔

میٹنگ میں ، وزرائے اعلیٰ نے اپنی اپنی ریاستوں میں کورونا کی حالت اور اس سے بچنے کے لیے کیے جارہے اقدامات کے بارے میں جانکاری دی۔اس ملاقات کے دوران سونیا گاندھی نے اس انفیکشن کی روک تھام کے لئے وزرائے اعلی کو کئی اہم تجاویز بھی دیں۔