کووڈ اُنیس کے لیے خصوصی مہم آج سے، سو فیصد ماسک کے استعمال اور ذاتی صفائی ستھرائی کو یقینی بنانے پر زور
کووڈ اُنیس کے مناسب برتاؤ کے سلسلے میں ایک خصوصی مہم آج شروع کی جارہی ہے۔ اِس میں کام کی جگہوں، عوامی مقامات اور صحت مراکز پر 100 فیصد ماسک کا استعمال اور ذاتی صفائی ستھرائی پر زور دیا جائے گا۔ خصوصی مہم اِس ماہ کی 14 تاریخ تک جاری رہے گی۔
اتوار کو ایک اعلیٰ سطحی میٹنگ کی صدارت کرتے ہوئے وزیراعظم نریندر مودی نے اس بات پر زور دیا تھا کہ کووڈ اُنیس سے موثر ڈھنگ سے نمٹنے کے لیے کمیونٹی بیداری اور اُس کی شمولیت لازمی ہے۔ میٹنگ کے دوران دئیے گئے ایک پرزنٹیشن میں اس بات پر بھی زور دیا گیا تھا کہ ملک میں کووڈ اُنیس کے معاملوں اور اموات میں اضافے کی شرح تشویش ناک ہے۔
کووڈ ضابطوں پر عمل نہ کرنا، خاص طور سے ماسک کا استعمال اور دو گز کی دوری رکھنا، ان پر عمل نہ کرنے کو، کووڈ کے تیزی سے بڑھتے معاملات کا ایک اہم سبب کہا جاسکتا ہے۔ اس لیے حکومت کووڈ ضابطوں کی اہمیت پر زور دینے کےلیے ایک خاص مہم چلائے گی‘ جس میں پائیدار کووڈ علاج، با خبر بنانا اور لوگوں کی شمولیت اہم ہوگی۔ کووڈ کے علاج کے لیے ضروری ہے کہ عوام کی شمولیت اور تحریک جاری رہے۔
