نیویارک۔19 جنوری

اقوام  متحدہ میں بھارت نے منگل کے روز کہا کہ 1993 کے ممبئی بم دھماکوں کے ذمہ دار کرائم سنڈیکیٹ کو نہ صرف ریاستی تحفظ دیا گیا تھا بلکہ اسے فائیو سٹار مہمان نوازی بھی حاصل تھی۔ ڈی۔کمپنی کے   چیف داؤد ابراہیم کے بارے میں  خیال کیا جاتا   ہے  وہ پاکستان  میں چھپے ہوا ہے جو 1993 کے ممبئی   بم دھماکوں کا ماسٹر مائنڈ  ہے۔ 

اقوام متحدہ کے   بھارت کے   مستقل نمائندے ٹی ایس ترومورتی نے عالمی انسداد دہشت گردی کونسل کے زیر اہتمام بین الاقوامی انسداد دہشت گردی کانفرنس 2022 کو بتایا کہ دہشت گردی اور بین الاقوامی منظم جرائم کے درمیان تعلق کو پوری طرح سے تسلیم کیا جانا چاہیے اور اس پر بھرپور طریقے سے توجہ دی جانی چاہیے۔انہوں نے کہا، "ہم نے 1993 کے ممبئی بم دھماکوں کے لیے ذمہ دار کرائم سنڈیکیٹ کو نہ صرف ریاستی تحفظ دیا بلکہ 5 ستاروں کی مہمان نوازی سے لطف اندوز ہوتے دیکھا ہے۔"

تیرمورتی کے ریمارکس ڈی-کمپنی اور اس کے سربراہ ابراہیم کے حوالے سے تھے، جن کے بارے میں خیال کیا جاتا ہے کہ وہ پاکستان میں چھپا ہوا ہ۔اگست 2020 میں، پاکستان نے پہلی بار ابراہیم کی اپنی سرزمین پر موجودگی کو تسلیم کیا تھا جب حکومت نے 88 کالعدم دہشت گرد گروپوں اور ان کے رہنماؤں پر پابندیاں عائد کی تھیں جن میں بھارت کو مطلوب انڈر ورلڈ ڈان کا نام بھی شامل تھا۔