مرکزی وزیر خزانہ نرملا سیتا رمن
مرکزی وزیر خزانہ نرملا سیتا رمن نے پانچویں پری بجٹ میٹنگ میں سروس اور کاروباری شعبوں کے نمائندوں سے بات چیت کی۔ جمعرات کو ویڈیو کانفرنسنگ کے ذریعے منعقدہ میٹنگ کی صدارت کرتے ہوئے، سیتا رمن نے مالی سال 2023-24 کے بجٹ کے کئی امور پر تبادلہ خیال کیا۔
پری بجٹ مشاورت کے پانچویں ایپی سوڈ میں، سیتارامن نے سروس اور کاروباری شعبے کے نمائندوں کے ساتھ مالی سال 2023-24 کے بجٹ پر تفصیل سے تبادلہ خیال کیا۔ وزیر خزانہ سے ملاقات میں برآمد کنندگان نے آئندہ بجٹ میں سستے نرخوں پر قرضوں کی فراہمی اور فنڈز کی تشکیل جیسے اقدامات کا مطالبہ کیا۔ انہوں نے کہا کہ برآمدات کو فروغ دینے اور روزگار کے مواقع بڑھانے کے لیے ایسا کرنا ضروری ہے۔
بجٹ سے پہلے کی میٹنگ میں، فیڈریشن آف انڈین ایکسپورٹ آرگنائزیشنز (ایف آئی ای او) نے وزیر خزانہ کو بتایا کہ امریکی ڈالر کے مقابلے روپے کی قدر میں کمی برآمدات کی مسابقت کو متاثر کر رہی ہے۔ اس کے پیش نظر اس شعبے کو مزید تعاون کی ضرورت ہے۔ مرکزی وزیر مملکت برائے خزانہ پنکج چودھری اور بھگوت کشن راو¿ کراڈ بھی نرملا سیتا رمن کے ساتھ پانچویں پری بجٹ میٹنگ میں شامل تھے۔ اس کے علاوہ فنانس سکریٹری ٹی وی سوماناتھن، وزارت خزانہ کے دیگر محکموں کے سکریٹریز اور چیف اکنامک ایڈوائزر اننت ناگیشورن میٹنگ میں موجود تھے۔
آئندہ مالی سال کے سالانہ بجٹ کی تیاری کا باقاعدہ عمل 24 اکتوبر 2022 سے شروع ہو گیا ہے۔ وزیر خزانہ نرملا سیتا رمن یکم فروری 2023 کو پارلیمنٹ میں مالی سال 2023-24 کا سالانہ بجٹ پیش کریں گی۔
رجنی کانت کی ’جیلر‘ جمعرات کو ریلیز ہوئی۔ فلم کو پہلے دن سینما گھروں میں…
مضمون نگار: زبیر قریشی میری ماٹی، میرا دیش مہم نے وسطی کشمیر کے گاندربل ضلع…
جموں و کشمیر کی یونین ٹیریٹری میں تنظیم نو کے بعد ہونے والی اہم تبدیلیوں…
شمالی کشمیر کے ضلع بانڈی پورہ سے تعلق رکھنا والا محمد مقبول ڈار نامی قالین…
زعفران کی جی آئی ٹیگنگ کے بعد، کسانوں نے اس کی پیداوار میں اضافہ کیا…
سری نگر میں، لال چوک پر نئے تجدید شدہ تاریخی کلاک ٹاور ایک خوشگوار حیرت…