حکومت پیٹرول اور ڈیزل پر ایکسائز ڈیوٹی 8.5 روپئے فی لیٹر تک کم کرسکتی ہے

نئی دہلی ، 03 مارچ (انڈیا نیرٹیو)

حکومت پیٹرول اور ڈیزل کی مہنگی قیمتوں کے خلاف احتجاج کے بعد جلد ان پر تقریبا 8 سے 9 روپئے کی راحت دے سکتی ہے۔ اگر ذرائع پر یقین کیا جائے تو ، حکومت کے پاس پٹرول اور ڈیزل پر ایکسائز ڈیوٹی میں 8.5 روپئے فی لیٹر کمی کی گنجائش ہے۔ تجزیہ کاروں کا خیال ہے کہ ایسا کرنے سے ایندھن پر ٹیکس محصولات پر کوئی اثر نہیں پڑے گا۔

پٹرول اور ڈیزل کی قیمتیں اس وقت آسمان چھو رہی ہیں۔ ایک اندازے کے مطابق ، اگر مالی سال 22-2021 میں پیٹرول اور ڈیزل پر ایکسائز ڈیوٹی میں کوئی کمی نہیں کی گئی تو اس سے 4.35 لاکھ کروڑ روپئے کی آمدنی ہوگی ، جب کہ بجٹ کا تخمینہ 3.2 لاکھ کروڑ روپئے ہے۔

اس صورت حال میں ، اگر یکم اپریل 2021 سے پیٹرول اور ڈیزل پر ایکسائز ڈیوٹی میں 8.5 روپئے فی لیٹر کمی کردی جائے تو بھی بجٹ کے تخمینے کا ہدف آسانی سے حاصل کیا جاسکتا ہے۔

قابل ذکر ہے کہ نومبر 2014 سے جنوری 2016 کے درمیان حکومت نے پٹرول اور ڈیزل پر 9 بار ایکسائز ڈیوٹی بڑھا ئی ہے۔حکومت کو آٹو فیول پر ایکسائز ڈیوٹی سے سال 2015  اور 2016 میں 2،42،000 کروڑ روپئے ملے ، جب کہ 15-2014 میں یہ 99،000 کروڑ روپئے تھے۔