قدرتی کھیتی کو کسانوں کو مالی طور پر بااختیار بنانے کا ایک طاقتور ذریعہ بتاتے ہوئے وزیر اعظم نریندر مودی نے کہا کہ حکومت نے پچھلے سات سالوں میں اس سمت میں بہت سے قدم اٹھائے ہیں۔

وزیر اعظم مودی ہفتہ کو پی ایم-کسان اسکیم کے تحت مالی امداد کی 10ویں قسط جاری کرنے کے بعد ویڈیو کانفرنسنگ کے ذریعے ایف پی او کے مستفدین سے بات چیت کر رہے تھے۔ اس دوران وزیر اعظم نے جاننا چاہا کہ ایف پی او اپنے لیے نامیاتی کھادوں کی دستیابی کو کیسے یقینی بناتے ہیں۔ وزیر اعظم نے بھوسے کے انتظام کے بارے میں معلومات کو زیادہ سے زیادہ کسانوں تک پہنچانے پر بھی زور دیا۔

وزیر اعظم نے قدرتی کھیتی پر اتراکھنڈ کے  کسان جسبیر سنگھ کے ساتھ بات چیت کرتے ہوئے، قدرتی کھیتی کے لیے ان کی کوششوں کی تعریف کی۔ انہوں نے کہا کہ گزشتہ سات سالوں میں ہماری یہ کوشش رہی ہے کہ ہم قدرتی کاشتکاری اور آرگینک فارمنگ کو کس طرح فروغ دے سکتے ہیں۔ اس کے لیے مختلف کوششیں کی جا رہی ہیں۔ انہوں نے کہا کہ اس کے بہت سے فائدے ہیں جیسے کسان کی لاگت میں کمی اور آمدنی میں اضافہ۔ وہیں مٹی کو کیمیائی کھادوں اور کیڑے مار ادویات سے چھٹکارا مل جاتی  ہے۔ آپ کو اپنے تجربات کو زیادہ سے زیادہ کسانوں تک پہنچانا چاہیے۔

وزیر اعظم نے پنجاب کے ایک ترقی پسند کسان رویندر سنگھ سے سیکھا کہ وہ کس طرح پرالی کے بارے میں بیداری پھیلاتے ہیں۔ کاشتکاروں کی حوصلہ افزائی کرتے ہوئے پرالی  جلانے کو روکنے کے لیے ایف پی اوز کی کوششوں کو سراہتے ہوئے وزیر اعظم نے کہا کہ یہ کسان اور ماحول دونوں کے لیے فائدہ مند ہے۔ پرالیوں کا متبادل استعمال ماحول کو فائدہ پہنچانے کے ساتھ ساتھ کسان کو مالی طور پر بااختیار بناتا ہے۔