<h3>محض 8 منٹ میں ختم ہوگیا ’نربھے‘ کا ٹیسٹ</h3>
<div>۔پانچویں اور آخری ٹیسٹ میں خرابی آنے پر ڈی آر ڈی او نے خود ہی مار گرایا</div>
<div>۔ اگلے مرحلے کے تجربے کے بعد باضابطہ طور پر فوج میں شامل کیا جائے گا</div>
<div> چین کے ساتھ ٹکراو کے درمیان لداخ بارڈر پر تعینات 1000 کلومیٹر فاصلے تک حملہ کرنے والی سب سے خطرنا ک میزائل ’نربھے‘کا آخری اور پانچواں ٹیسٹ پیر کو تکنیکی خرابی آجانے کی وجہ سے محض 8 منٹ میں ختم ہوگیا۔ اس سے قبل ایٹمی صلاحیت کی حامل لانگ رینج سبسونک کروز میزائل نربھے کے چار ٹیسٹ کیے جاچکے ہیں۔ آج کے ٹیسٹ میں ، ڈی آر ڈی او نے 8 منٹ کے بعد نربھے کروز میزائل کو خود ہی مار دیا۔ کچھ ہی ماہ میں تجربے کے اگلے دور کے بعدنربھے میزائلوں کو فوج میں باقاعدہ طور پر شامل کیا جائے گا۔</div>
<div> آسمان میں منڈلانے اورقلابازی میں ماہر یہ میزائل طویل فاصلے تک ایٹمی وار ہیڈ لے جانے اور تمام آب و ہوا میں متعدد اہداف کے درمیان حملہ کرنے کی صلاحیت رکھتا ہے۔ چھ میٹر لمبا اور تقریبا ً1500 کلو وزنی یہ میزائل 1000 کلو میٹر سے زیادہ کے فاصلے تک مارکر سکتا ہے۔ دو پروں کے ساتھ یہ میزائل 500 میٹر سے چار کلومیٹر کی بلندی پر پرواز بھرنے میں اہل ہے۔میزائل کو ٹیک آف کے لئے ٹھوس راکٹ بوسٹر کے ذریعہ آپریٹ کیا جاتا ہے جسے ایڈوانسڈ سسٹم لیبارٹری (اے ایس ایل) کے ذریعہ تیار کیا گیا ہے۔ مطلوبہ رفتار اور اونچائی تک پہنچنے پر ، میزائل میں نصب ٹربوفین انجن اگنیشن کے طور پر استعمال کیا جاتا ہے۔ اسے ریسر چ سینٹر (آرسی آئی)کے ذریعہ تیار کردہ ایک انتہائی اعلی درجے کا نیویگیشن سسٹم اور اونچائی طے کرنے کے لئے ریڈیو الٹیمٹر کے چلایا جا تا ہے۔ دشمن کے راڈار سے بچنے کے لئے یہ اونچائی پر بھی اڑ سکتا ہے۔یہ مشن کی ضروریات کی بنیا د پر الگ الگ طرح کے 24ہتھیاروں کو تقسیم کرنے میں بھی اہل ہے۔</div>
<div></div>.