یہ ہیلی کاپٹر جدید سرویلانس ریڈار اور الیکٹرو آپٹیکل آلات سے لیس ہیں

 نئی دہلی، 31 اکتوبر (انڈیا نیرٹیو)

 ہندوستانی بحریہ نے ساحلی سیکورٹی کے لیے 'میڈ ان انڈیا' کے تحت ڈیزائن کیے گئے دو مزید ایڈوانسڈ لائٹ ہیلی کاپٹر (اے ایل ایچ) ایم کے  IIIشامل کیے ہیں۔ بحریہ کے بیڑے میں پرانے پڑ چکے چیتک  ہیلی کاپٹروں کو زیادہ قابل اور ورسٹائل اے ایل ایچ سے تبدیل کیا جانا ہے۔ بحریہ اور انڈین کوسٹ گارڈ کے لیے ایچ اے ایل کو آرڈر کیے گئے 16 ہیلی کاپٹروں میں سے، بحریہ کو اس کے  حصے  کے  آٹھ ایچ اے ایل دھرو ہیلی کاپٹر حاصل  ہو چکے ہیں۔ نئے شامل کیے گئے  اے ایل ایچ ایم کے   IIIہیلی کاپٹر ممبئی میں ہندوستانی بحریہ کی آپریشنل صلاحیتوں میں نمایاں طاقت اور استعداد میں اضافہ کریں گے۔

مارچ 2017 میں، ممبئی  پردہشت گردانہ حملے کے نو سال بعد، ہندوستان ایروناٹکس لمیٹڈ (ایچ اے ایل) کے ساتھ تقریباً 5,126 کروڑ روپے کے معاہدے پر دستخط کرکے 16 مارک-IIIہیلی کاپٹروں کا آرڈر دیا گیا۔ ان گرین ہیلی کاپٹروں میں ساحلی سیکورٹی کی ضروریات کے لحاظ سے 19 قسم کی تبدیلیاں کی گئی ہیں۔  ملک میں تیار کئے گئے 'دھرو' ایڈوانسڈ لائٹ ہیلی کاپٹروں نے ٹیسٹ رن کے دوران 3 لاکھ گھنٹے پرواز کرکے کثیر جہتی کام میں اپنی صلاحیت کا ثبوت دیا ہے۔ معاہدے کے تحت 16 اے ایل ایچ دھرو ہیلی کاپٹر (فکسڈ وہیل) بحریہ اور انڈین کوسٹ گارڈ کو پانچ سال کے اندر فراہم کیے جانے ہیں۔

بحریہ کو سب سے پہلے اس سال اپریل میں تین 'دھرو' ایڈوانسڈ لائٹ مارک-IIIہیلی کاپٹر ملے تھے جنہیں گوا میں واقع ایئر اسکواڈرن آئی این ایس  ہنسا میں شامل کیا گیا تھا۔ بحریہ کے اس ایئر اسکواڈرن کی کامیابیوں میں ایک اور جہت کا اضافہ ہوا ہے کیونکہ ان ہیلی کاپٹروں میں شدید بیمار مریضوں کو ایئر لیفٹ کرنے کے لیے میڈیکل انٹینسیو کیئر یونٹ (ایم آئی سی یو) نصب کیا گیا ہے۔ آئی این ایس ہنسا، بحریہ کے پریمیئر ایئر اسٹیشن نے گزشتہ ماہ اپنی ڈائمنڈ جبلی منائی۔ اس کے بعد، جون 2021 میں، بحریہ نے تین اور اے ایل ایچ ہیلی کاپٹر  ہندوستان کے مشرقی ساحل پر آندھرا پردیش کے وشاکھاپٹنم میں واقع ایک ایئر اسٹیشن آئی این ایس ڈیگا پر اپنی مشرقی کمان کے فضائی بیڑے میں   شامل کیے۔