Urdu News

وزیراعظم نے آر ایم ایل اسپتال میں تعینات ایس آئی ایس سیکورٹی اہلکاروں کی حوصلہ افزائی کی

وزیراعظم نے آر ایم ایل اسپتال میں تعینات ایس آئی ایس سیکورٹی اہلکاروں کی حوصلہ افزائی کی

ایس آئی ایس کے منیجنگ ڈائریکٹر ریتوراج سنہا نے وزیر اعظم کا شکریہ ادا کیا

ملک نے جمعرات کو کورونا ویکسین کی 100 کروڑ خوراکیں مکمل کرکے تاریخ رقم کی ہے۔ 100 کروڑ ڈوز کی تکمیل کے موقع پر، جب وزیر اعظم نریندر مودی دہلی کے رام منوہر لوہیا اسپتال میں ڈاکٹروں، ہیلتھ ورکرز اور فرنٹ لائن ورکرز کی حوصلہ افزائی کر رہے تھے، ان کی نظریں ملک کی سب سے بڑی اور معزز پرائیویٹ سیکورٹی ایجنسی ایس آئی ایس کے سکیورٹی اہلکاروں پر تھیں اسپتال میں اس سیکورٹی اہلکار کو ڈیوٹی پر دیکھ کر وزیر اعظم نے ان سے رابطہ کیا اور ان کی خیریت دریافت کی۔ اس کے ساتھ، انہوں نے یہ بھی معلومات حاصل کیں کہ انہوں نے کورونا کے بحران کے دوران مریضوں اور  اہل خانہ کی کس طرح خدمت کی ہے۔

ایس آئی ایس کے اس سیکورٹی اہلکار نے وزیراعظم کو بتایا کہ کس طرح انہوں نے اپنے آپ کو اور اپنے خاندان کو بحران کے وقت محفوظ رکھ کر کورونا کے مریضوں کی خدمت کی ہے۔

ایس آئی ایس کے منیجنگ ڈائریکٹر ریتوراج سنہا نے نجی شعبے میں سکیورٹی اہلکاروں کے لیے وزیر اعظم کے احترام کا پرتپاک خیر مقدم کیا ہے۔ انہوں نے کہا کہ وزیر اعظم نے ہمارے سیکورٹی اہلکاروں کی حوصلہ افزائی کی ہے۔ کیونکہ انہوں نے کورونا کے بحران کے دوران ملک کی بے لوث خدمت کی ہے۔

ریتوراج سنہا نے بتایا کہ جن سکیورٹی اہلکاروں کے ساتھ وزیر اعظم نریندر مودی نے بات کی ہے ان کا نام رمیش ورما ہے اور وہ گورکھپور کے رہنے والے ہیں۔ اپنی تربیت مکمل کرنے کے بعد، وہ پچھلے تین سالوں سے ایس آئی ایس میں کام کر رہے ہیں۔ سنہا نے کہا کہ ایس آئی ایس کے سیکورٹی اہلکاروں نے نہ صرف کورونا کی مدت کے دوران مریضوں اور ان کے خاندانوں کی خدمت کی ہے بلکہ ویکسی نیشن میں بھی انہوں نے پوری لگن کے ساتھ ایک بڑا اور اہم کردار ادا کیا ہے۔ انہوں نے اپنے سیکورٹی اہلکاروں کی حوصلہ افزائی کے لیے وزیر اعظم نریندر مودی  کا شکریہ ادا کیا ہے۔

Recommended