ایئر فورس کی سوریہ کرن اور سارنگ ٹیمیں حیرت انگیز کارنامے دکھانے کے لیے دبئی پہنچ گئیں
غیر ملکی دفاعی سرمایہ کاری کو راغب کرنے کے لیے دس ہندوستانی کمپنیاں بھی شرکت کریں گی
نئی دہلی، 10 نومبر (انڈیا نیرٹیو)
دنیا کا سب سے دلچسپ دبئی ایئر شو 14 نومبر سے شروع ہوگا جس میں عالمی ایئر اسپیس برادری کے سامنے اپنے حیرت انگیز کارنامے کامظاہرہ کرنے کے لئے ہندوستانی فضائیہ کی سوریہ کرن اور سارنگ ٹیمیں دبئی پہنچ گئی ہیں۔ 18 نومبر تک جاری رہنے والے اس ایئر شو میں 10 ہندوستانی کمپنیاں بھی شرکت کر کے دفاعی صنعت کی صلاحیت کو دکھا کر غیر ملکی کمپنیوں کو ہندوستان میں سرمایہ کاری کے لیے راغب کریں گی۔ اس سال کے ایڈیشن میں 20 سے زائد ممالک کے پویلین کے ساتھ 1,200 نمائش کنندگان شامل ہوں گے۔ ایئر شو میں 160 سے زائد کمرشل، ملٹری اور پرائیویٹ جیٹ طیارے پیش کیے جانے ہیں۔
ہندوستانی کمپنیاں جیسے ہندوستان ایروناٹکس لمیٹڈ، ڈی آر ڈی او، بھارت ڈائنامکس لمیٹڈ، برہموس ایرو اسپیس، بیول گیئرز (انڈیا) پرائیویٹ لمیٹڈ، بٹز سوفٹ ٹیکنالوجیز پرائیویٹ لمیٹڈ، دیگنترا، کاواساکی ہیوی انڈسٹریز (انڈیا) پرائیویٹ لمیٹڈ اور سوسٹ ایوی ایشن اور بائسین جیسی ہندوستانی کمپنیاں حصہ لے کر بھارتی دفاعی صنعت کی طاقت دکھائیں گی۔
دبئی کے المکتوم بین الاقوامی ہوائی اڈے پر 14 سے 18 نومبر تک ہونے والے دو سالہ دبئی ایئر شو میں ہندوستانی فضائیہ کے دستے کو بھی شامل کیا گیا ہے۔ متحدہ عرب امارات کی حکومت نے ہندوستانی فضائیہ کو سارنگ اور سوریہ کرن ایروبیٹکس ٹیموں کے ساتھ شرکت کی دعوت دی ہے۔ ایئر شو کے لیے پوری طرح تیار، فضائیہ کی سوریہ کرن اور سارنگ کی ٹیمیں دبئی پہنچ گئی ہیں۔
