Urdu News

ترقیاتی منصوبے بروقت مکمل ہونے سے معیشت اور ماحولیات دونوں کو فائدہ: وزیراعظم

وزیر اعظم  نے مائیکروسافٹ کارپوریشن کے چیئرمین اور سی ای او ستیہ نادیلا سے ملاقات کی

پی ایم نے ترقیاتی منصوبوں میں رکاوٹ ڈالنے پر  نکسلیوں کی تنقید کی

نئی دہلی، 23 ستمبر (انڈیا نیرٹیو)

وزیر اعظم نریندر مودی نے جمعہ کو کہا کہ ترقیاتی منصوبوں کی بروقت تکمیل سے معیشت اور ماحولیات دونوں کو فائدہ ہوتا ہے۔ شہری نکسل ازم اور ترقی میں رکاوٹ بننے والے عالمی اداروں کے بارے میں آگاہ کرتے  ہوئے وزیر اعظم نے کہا کہ طریقہ کار میں تبدیلی لا کر ترقیاتی منصوبوں کو جلد از جلد اجازت دی جانی چاہیے۔

وزیر اعظم نریندر مودی نے آج ویڈیو کانفرنسنگ کے ذریعے گجرات کے ایکتا نگر میں ماحولیات کے وزراء  کی قومی کانفرنس کا افتتاح کیا۔

ترقیاتی منصوبوں سے ماحولیاتی فوائد کی کچھ مثالیں دیتے ہوئے وزیر اعظم نے بتایا کہ کس طرح  کاربن کے اخراج  میں کمی آئی  ہے۔ انہوں نے کہا کہ دہلی کے پرگتی میدان میں بنائی گئی ٹنل سے کاربن کے اخراج میں سالانہ 13000 ٹن کمی آئے گی۔

وزیراعظم نے کہا کہ جدید انفراسٹرکچر سہولیات کے بغیر ملک کی ترقی اور اہل وطن کا معیار زندگی بلند کرنے کی کوششیں کامیاب نہیں ہو سکتیں۔ برسوں سے ماحولیاتی منظوری کے نام پر ملک میں جدید انفراسٹرکچر کی تعمیر کا کام روک دیا گیا تھا۔ اس میں اربن نکسل اور ترقی میں رکاوٹیں ڈالنے والے عالمی اداروں کا بڑا ہاتھ تھا۔ وزیر اعظم نے سردار سروور ڈیم کی مثال دیتے ہوئے کہا کہ یہ منصوبہ نہرو کے دور میں شروع ہوا تھا لیکن ان شاطروں کی وجہ سے یہ ان کے دور میں مکمل ہوا۔

Recommended