لاک ڈاون سے ملک کو بچانا ہے،آخری متبادل کے طور پراسے استعمال کریں ریاستیں

آکسیجن اور بستروں کی کمی پرقابو پانے کے لیے کیے جارہے ہیں اقدامات،وزیراعظم کا قوم سے خطاب 

نئی دہلی،21اپریل(انڈیا نیرٹیو)

ملک میں کورونا کے بگڑتے حالات کے درمیان وزیراعظم نریندر مودی نے آج شام 8:45سے قوم سے خطاب کیا۔وزیراعظم مودی نے ملک میں کورونا کے بگڑتے حالات سمیت دیگر معاملوں پر بات کی۔ وزیراعظم نے کہا کہ دوسری لہر طوفان بن کر آگیا۔ انہوں نے کہا کہ جو درد آپ سہ رہے ہیں مجھے اس کا احساس ہے۔ وزیراعظم نے مودی نے کہا کہ ہم حوصلے اور تیاریوں سے یہ جنگ جیتیں گے۔

 وزیراعظم مودی نے سبھی کورونا واریئرس کی تعریف کی۔ انہوں کہا کہ صبر کے ساتھ صحیح اقدامات کرنے پر ہمیں کامیابی ملے گی۔ وزیراعظم مودی نے کہا کہ ملک میں بیداری سے لاک ڈاون سے بچنے میں مدد ملے گی۔ انہوں نے کہا کہ ملک کو لاک ڈاون سے بچانا ہے۔ ریاستی حکومتیں بھی لاک ڈاون کو آخری متبادل سمجھیں۔ وزیراعظم مودی نے بچوں سے اپیل کی ہے کہ میرے بچے دوست گھر میں ایسا ماحول بنایئے کہ بغیر کام اور بغیر ضروری وجوہات لوگ اپنے گھروں سے باہر نہ نکلیں، ملک کو لاک ڈاون سے بچانا۔

پی ایم نے کہا کہ گزشتہ دنوں جو فیصلے کیے گئے اس سے کورونا وباءپرقابوپانے میں اہم رول ادا کریں گے۔ حالیہ دنو ں میں آکسیجن کی کمی ہوئی ہے، دراصل آکسیجن کی طلب میں اضافہ ہواہے اسی لیے حکومت نے آکسیجن کی کمی کو پورا کرنے کے اقدامات کیے ہیں۔

جنوری۔فروری کے مقابلہ آج ملک میں دواوں کی پیدوار میں اضافہ کیاگیاہے۔ دواساز کمپنیوں کی مدد لی جارہی ہے ہمارا ملک خوش قسمت ہے کہ ہمارے ملک میں ایک مضبو ط فارما انڈسٹری ہے۔ اسپتالو ں میں بستروں کی کمی کو کم کرنے کے لیے بھی اقدامات کیے جارہاہے۔

وزیراعظم مودی نے کہا کہ سب سے سستی ویکسین بھارت میں ہے۔ بھارت میں دو کمپنیوں کی ویکسین کے ساتھ دنیا کا سب سے بڑا ویکسینیشن مہم شروع کیا گیا۔ دنیا میں سب سے تیزی سے پہلے دس کروڑ پھر11کروڑ پھر12کروڑ ڈوز دیئے گئے ہیں۔ ہمیں اس سے حوصلہ ملتا ہے کہ ملک کی آبادی کے بڑے حصے کو ویکسین لگا چکی ہے۔