زراعت اور کسانوں کی بہبود کے مرکزی وزیر جناب نریندر سنگھ تومر26.04.2022 کو 'کسان بھاگیداری پرتھمیکتا ہماری' مہم کے تحت زراعت اور کسانوں کی بہبود سے متعلق کام کاج کا افتتاح کریں گے۔کسان بھاگیداری پرتھمیکتا مہم 'آزادی کا امرت مہوتسو' کے تحت 25 سے 30 اپریل 2022 تک منعقد کی جارہی ہے۔
زراعت اور کسانوں کی بہبود کی وزارت دیگر وزارتوں کے تعاون سے ، زراعت اور کسانوں کی بہبود کی وزارت اور دیگر متعلقہ وزارتوں یعنی ڈبہ بندخوراک کی صنعت کی وزارت،مویشی پروری کی وزارت ، دیہی ترقی کی وزارت اور کوآپریشن کی وزارت منصوبوں اور پروگراموں کے بارے میں ملک بھر میں بڑی تعداد میں کسانوں کے بیچ بیداری پیدا کرنے اور تشہیر کرنے کے لئے سرگرمیوں کا انعقاد کرے گی۔
'کسان بھاگیداری پرتھمیکتا ہماری' مہم کے ایک حصے کے طور پر 26 اپریل 2022 کو زرعی ٹیکنالوجی مینجمنٹ ایجنسی (اے ٹی ایم اے) کے تعاون سے ملک بھر کے تمام کرشی وگیان کیندروں (کے وی کیز) میں ایک روزہ کسان میلہ کا انعقاد کیا جائے گا۔ کسانوں کے درمیان مرکزی اور ریاستی حکومت کی اسکیموں سے متعلق اسکیموں کے بارے میں تشہیر کی جائے گی۔ترقی پسند اور اختراعی کسانوں کی حوصلہ افزائی ، چھوٹے اور درمیانے درجے کے کسانوں، خاتون کسانوں اور ایف پی او کے لیے قدرتی کھیتی کے بارے میں علاقائی نمائشیں، کسان اور سائنس دانوں کے درمیان بات چیت منعقد کی جائے گی۔ ڈی اے اور ایف ڈبلیو کے مختلف ڈویژن جیسے مربوط غذائیت کا بندوبست ، فصل ڈویژن ، آر کے وی وی وائی ،زرعی مارکیٹنگ، باغبانی، قومی باغبانی مشن 26.04.2022 کو مہم کے دوران اپنی سرگرمیوں کا انعقاد کرے گا۔
ہفتہ بھر چلنے والی مہم کے دوران، مرکزی وزیر زراعت کامن سروس سینٹر (سی ایس سی) کے زیر اہتمام فصل بیمہ پرملک گیر ورکشاپ کا آغاز بھی کریں گے۔دیہی ترقی کی وزارت کے ساتھ ڈی اے وائی – این آر ایل ایم کے تحت زرعی ماحولیات اور مویشیوں کے رکھ رکھاؤ پرایک بات چیت کا اہتمام کیا جائے گا۔ ہفتہ کے دوران وزارت تجارت اور فوڈ پروسیسنگ کی وزارت کے ذریعہ ون ڈسٹرکٹ ون پروڈکٹ (او ڈی او پی ) پر ایک ویبینار بھی ہوگا۔ 75 منتخب کسانوں اور صنعت کاروں کی ایک قومی آتم نربھر بھارت کانفرنس بھی منعقد کی جائے گی۔
اس مہم میں براہ راست (آف لائن) اور ورچوئل (آن لائن) ذرائع سےملک بھر سے ایک کروڑ سے زیادہ کسانوں اور فریقوں کے
حصہ لینے کی امید ہے۔
