نئی دہلی ، 28 جنوری (انڈیا نیرٹیو)

 مرکزی وزیر داخلہ امیت شاہ نے کسانوں کی ٹریکٹر ریلی کے دوران تشدد میں زخمی ہونے والے پولیس اہلکاروں کی عیادت کی۔ شاہ نے دہلی کے مختلف اسپتالوں کا دورہ کیا اور وہاں علاج کے لئے بھرتی ہونے والے پولیس اہلکاروں سے ملاقات کی اور ان کی جلد صحت یابی کی خواہش کی۔

شاہ نے جمعرات کے روز سشروت ٹراما سنٹر میں زیر علاج پولیس اہلکاروں سے ملاقات کی۔ وہ سول لائن کے تیرتھ رام شاہ اسپتال بھی گئے اور وہاں بھرتی پولیس اہلکاروں سے عیادت کی۔ انہوں نے ڈاکٹروں سے بھی بات چیت کی اور زخمی پولیس اہلکاروں کی حالت دریافت کی۔

 قابل ذکر ہے کہ 26 جنوری کو کسانوں کی ٹریکٹر ریلی کے دوران ہونے والے تشدد میں 394 پولیس اہلکار زخمی ہوئے تھے ، جن میں سے 20 پولیس اہلکار شدید زخمی ہوئے تھے۔

 ان میں سے بہت سے افراد کو آئی سی یو میں داخل کیا گیا ہے۔ زخمیوں میں ایک خاتون جوائنٹ سی پی ، چار ڈی سی پی اور دیگر پولیس اہلکاروں سمیت 10 سے زائد ایس ایچ اوز شامل ہیں۔