آج مرکزی اقلیتی امور کے وزیر مختار عباس نقوی نے اتر پردیش کے اقلیتی بہبود، وقف اور حج کے وزیر نند گوپال گپتا نندی نے مرکز اور یوپی حکومت کے سینئر افسروں کے ساتھ ریاست میں نریندر مودی اور یوگی آدتیہ ناتھ حکومت کے ذریعہ اقلیتی فرہق کے لوگوں کے لئے چلائی جارہی مختلف سماجی، اقتصادی تعلیمی ترقی سے متعلق اسکیموں کی پیش رفت کا جائزہ لیا ہے۔ یوپی میں مرکزی وزیراقلیتی امور کی وزارت کے ذریعہ چلائی جارہی ہے مختلف اسکالرشپ، وزگار پر مبنی ہنر مندوں کی ترقی، پردھان منتری جن وکاس کریاکرم سے متعلق مختلف اسکیموں اور پروگراموں کے بارے میں معلومات لی گئی ہیں۔ سماج کے تمام طبقوں کو سماج کے تمام طبقات کی ترقی اور بااختیار بنانے کے لیے وزیر اعظم نریندر مودی اور وزیر اعلیٰ یوگی آدتیہ ناتھ کی حکومت کی ترقیاتی اسکیموں سے براہ راست فائدہ مل رہا ہے۔
نقوی نے کہا کہ اس جائزہ میٹنگ میں مرکزی وزارت اقلیتی امور کی مختلف اسکیموں، پروگراموں وغیرہ کا جائزہ لیا گیا ہے۔ انہوں نے کہا کہ بچوں کو دی جانے والی اسکالرشپ اسکیم کے بارے میں بھی بات کی گئی ہے اور اسے ریاست میں مزید بڑھانے پر زور دیا گیا ہے۔انہوں نے بتایا کہ اس سال اترپردیش کے مختلف شہروں میں ہنر ہاٹ کا انعقاد کیا گیاجس میں بڑی تعداد میں ہنر کے استاڈوں نے اپنے ہنر کا جوہر دکھایا ہے۔ ہنر ہاٹ میں بڑی تعداد میں لوگوں نے شرکت کرکے جو ہنرمندوں کے فن کو سراہتے ہیں اور ان کی طرف سے تیار کردہ سامان خریدتے ہیں۔ اتر پردیش میں منعقدہ ہنر ہاٹ سے ہزاروں کاریگروں اور ہنر مندوں کو براہ راست فائدہ پہنچا ہے۔مولانا آزاد فاؤنڈیشن اترپردیش میں سب سے زیادہ اسکالرشپ تقسیم کر رہی ہے۔اسکالرشپ براہ راست بچوں کے کھاتے میں جاتی ہے۔ اقلیتی طلبہ اس اسکالرشپ کا براہ راست فائدہ حاصل کررہے ہیں۔ انہوں نے کہا کہ مرکزی اور ریاستی حکومتیں مل کر اقلیتوں کی ترقی اور ہمہ گیر ترقی کے لیے ہر ممکن کوشش کر رہی ہیں۔
