شہری ہوابازی کے مرکزی  وزیر جناب جیوتی رادتیہ سندھیا نے پونے اور بینکاک کے درمیان راست پرواز کا آغاز کیا

شہری ہوابازی اور فولاد کے مرکزی وزیر جناب جیوتی رادتیہ ایم سندھیا نے آج پونے سے بینکاک کے لیے راست پرواز کا آغاز کیا۔

یہ پرواز 12 نومبر 2022 (آج) سے پونے-بینکاک-پونے کے درمیان آپریٹ ہوگی۔ یہ اُڑان اس راستے پر ہر منگل، جمعرات، سنیچر اور اتوار کو مندرجہ ذیل پروگرام کے مطابق آپریٹ ہوگی:

جناب جیوتی رادتیہ سندھیا نے کہا

پرواز نمبر	سیکٹر	روانگی	آمد	فریکوینسی	طیارہ
ایس جی 81	پی این کیو- بی کے کے	18:45	00:40	منگل، جمعرات، سنیچر، اتوار	بی-737
ایس جی 82	بی کے کے – پی این کیو	14:15	17:10	منگل، جمعرات، سنیچر، اتوار	بی – 737

اپنے خطاب میں، جناب جیوتی رادتیہ سندھیا نے کہا کہ پونے اور بینکاک کے درمیان یہ ہوائی رابطہ کاری کاروبار، تعلیم اور سرمایہ کاری کے شعبہ میں بھارت اور تھائی لینڈ کے درمیان باہمی تبادلہ کے لیے حوصلہ افزائی فراہم کرے گی.

محترم وزیر نے کہا کہ پونے کا ہوائی اڈہ ملک کا ایک اہم ہوائی اڈہ ہے اور حکومت اس کے بنیادی ڈھانچہ کی ترقی کو رفتار دے رہی ہے۔ اس ہوائی اڈے کا نیا ٹرمنل آئندہ برس ستمبر تک مکمل ہو جائے گا، نیا بین الاقوامی کارگو ٹرمنل دسمبر 2024 تک تیار ہونے کی توقع ہے۔ اس درمیان، بین الاقوامی اور گھریلو استعمال دونوں کے لیے ایک مربوط کارگو ٹرمنل مارچ 2023 تک بن کر تیار ہو جائے گا۔ ایک ملٹی لیول پارکنگ پہلے ہی تیار کی جا چکی ہےاور وہ جلد ہی کھلے گی۔

اسپائس جیٹ کی پرواز ایس جی 81 پونے سے 1845 بجے روانہ ہوگی اور 0040 بجے بینکاک پہنچے گی. اور پرواز ایس جی 82 بینکاک سے 1415 بجے روانہ ہوگی اور 1710 بجے پونے پہنچے گی۔ اس راستے پر طیارہ بوئنگ 737 اُڑان بھرے گا۔

اس افتتاحی تقریب کے دوران اسپائس جیٹ کے سی ایم ڈی جناب اجے سنگھ. اور ایم او سی اے، اے اے آئی، اسپائس جیٹ، اور پونے کی مقامی انتظامیہ کے دیگر معززین حضرات بھی موجود تھے۔