صدر دروپدی مرمو، نائب صدر ایم وینکیا نائیڈو اور وزیر اعظم نریندر مودی سمیت رہنماؤں نے ہفتہ کو جگدیپ دھنکھڑ کو ملک کے 14ویں نائب صدر منتخب ہونے پر مبارکباد دی۔

وزیر اعظم نریندر مودی سب سے پہلے دہلی میں دھنکھڑ کی رہائش گاہ پر گئے اور انہیں ان کی جیت پر مبارکباد دی۔ اس کے بعد لوک سبھا کے اسپیکر اوم برلا، بی جے پی صدر جے پی نڈا، پارلیمانی امور کے وزیر پرہلاد جوشی اور مرکزی وزیر پیوش گوئل سمیت تمام بی جے پی لیڈروں نے بھی دھنکھڑ کی رہائش گاہ پر جاکر انہیں ہندوستان کا نائب صدر منتخب ہونے پر مبارکباد دی۔

اس کے علاوہ کانگریس صدر سونیا گاندھی، پارٹی لیڈر راہل گاندھی نے جگدیپ دھنکھر کو نائب صدر کاالیکشن جیتنے پر مبارکباددی۔ راہول گاندھی نے متحدہ اپوزیشن کے جذبے کی نمائندگی کرنے پر اپوزیشن امیدوار مارگریٹ الوا کا بھی شکریہ ادا کیا۔

صدر مرمو نے ٹویٹ کیا، ”جگدیپ دھنکھڑ کو ہندوستان کا نائب صدر منتخب ہونے پر مبارکباد۔ عوامی زندگی میں آپ کے طویل اور بھرپور تجربے سے قوم استفادہ کرے گی۔ نتیجہ خیز اور کامیاب مدت کے لیے میری نیک خواہشات۔"

نائب صدر ایم وینکیا نائیڈو نے جگدیپ دھنکھڑ سے ملاقات کی اور انہیں مبارکباد دی۔ انہوں نے ٹویٹ کیا، ”شری جگدیپ دھنکھڑجی کو ملک کے 14ویں نائب صدر کے طور پر منتخب ہونے پر دلی مبارکباد اور کامیاب مدت کے لیے میری نیک خواہشات۔ عوامی زندگی میں آپ کے طویل تجربے اور انصاف اور قانون کے شعبے میں آپ کے علم سے قوم مستفید ہوگی۔

مرکزی وزیر داخلہ امت شاہ نے ٹویٹ کیا، "یہ پورے ملک کے لیے خوشی کی بات ہے کہ کسان کے بیٹے شری جگدیپ دھنکھڑ جی کو ہندوستان کا نائب صدر منتخب کیا گیا ہے۔ دھنکھر جی اپنی طویل عوامی زندگی میں مسلسل عوام سے جڑے رہے ہیں۔ ایوان بالا کو یقینی طور پر زمینی مسائل کے بارے میں ان کی گہری سمجھ بوجھ اور ان کے تجربے سے فائدہ ہوگا۔ انہوں نے ایک اور ٹویٹ میں کہا، ''مجھے یقین ہے کہ جگدیپ دھنکھڑ جی بطور نائب صدر اور راجیہ سبھا کے چیئرمین آئین کے ایک مثالی محافظ ثابت ہوں گے۔ میں اسے اس جیت پر مبارکباد دیتا ہوں۔ اس کے علاوہ، مودی جی کی قیادت میں، میں دھنکھر جی کی حمایت کرنے کے لیے این ڈی اے کے اتحادیوں، دیگر پارٹیوں اور اراکین پارلیمنٹ کا شکریہ ادا کرتا ہوں۔

وزیر دفاع راج ناتھ سنگھ نے ٹویٹ کیا، ”نائب صدارتی انتخاب جیتنے پر شری جگدیپ دھنکھڑ کو مبارکباد۔ ان کی طویل عوامی زندگی، وسیع تجربہ اور عوام کے مسائل کا گہرا ادراک یقیناً قوم کو فائدہ دے گا۔ مجھے یقین ہے کہ وہ ایک غیر معمولی  نائب صدر اور راجیہ سبھا کے چیئرمین بنیں گے۔

مرکزی وزیر پیوش گوئل نے کہا کہ وہ ایک بہترین راجیہ سبھا چیئرمین، ایک بہترین نائب صدر ہوں گے۔ یہ قوم خوش قسمت ہے کہ ہندوستان کے نائب صدر کو ایک کسان کے بیٹے اور ایک نامور  دانشور کے طور پر ملا ہے۔ ہم خوش قسمت ہیں کہ ان کے ساتھ کام کرنے کا موقع ملا۔

مخالف امیدوار الوا نے بھیھ دھنکھڑ کو مبارکباد دی

انتخابی نتائج کے بعد اپوزیشن امیدوار مارگریٹ الوا نے دھنکھڑ کو نائب صدر بننے پر مبارکباد دی۔ انہوں نے اپوزیشن لیڈروں اور مختلف پارٹیوں کے ممبران پارلیمنٹ کا انہیں ووٹ دینے پر شکریہ ادا کیا۔

الوا نے کہا کہ اس انتخاب نے اپوزیشن کو ایک ساتھ کام کرنے کا موقع فراہم کیا ہے۔ تاہم، یہ افسوسناک ہے کہ اپوزیشن جماعتوں نے براہ راست اور بالواسطہ طور پر بی جے پی کی حمایت کی اور متحدہ اپوزیشن کے خیال کو توجہ نہیں دی۔